حسبهم يرجم وانا ربي حسيبي=يوم لاينفع صياح ولا عزاوي
بالرضا والنعم وايضا بالغصيبي=ياحفيد اللي ستر مفرع مضاوي

مهندس القاف

ارسل الموساد كوهين الصليبي=وانقبض في مصر يجمع له رشاوي
مير عند اللي على خلقه رقيبي=التجسس ويش حكمه يالعطاوي؟

معجب العتيبي

ياعسى سجنه يطوّل يالعتيبي=دام ماهو من بعيدين الهقاوي
التجسس واتهام الناس عيب(ي)=حكمهم واحد وعقباهم بلاوي

مهندس القاف

قد خطف جوالي اللي وسط جيبي=واثر مفتي مصر مايصدر فتاوي
والقريب اليا غزاني بالغريبي=مثل جرح القلب مايلقى مداوي

معجب العتيبي

كيف يخطف منك يالرجل اللبيبي=ضعف والا صرت رجالٍ سحاوي
كل جرح وله مع العالم طبيبي=والرجل باللي يعزونه غناوي

مهندس القاف

انخدع فكري بكلمة ياصحيبي=صحبة اهل الغرب دلو بلا عراوي
كان صاق ورده نار اللهيبي=واحرقه بالثوب والبشت الحساوي

معجب العتيبي

لايغرك لو تبسم لك حريبي=ماتدلك ضحكته وش كان ناوي
مايجي في ماقفي شكٍ وريبي=في نهارٍ مايفيدن المناوي

مهندس القاف

حسبهم يرجم وانا ربي حسيبي=يوم لاينفع صياح ولا عزاوي
بالرضا والنعم وايضا بالغصيبي=ياحفيد اللي ستر مفرع مضاوي

المشاركة الأصلية كتبت بواسطة مهندس القاف (المشاركة 956601) ابو سلطان صح لسانك كان لي الشرف بمجاراتك والاستفاده من ابداعك والختام عندك تصبح على خير