مدري عباطه منك ولا في محلك مامشيت=عشرين ليله والمهند يالعوازم ماهدا
الشيخ يبقا شيخ والمسحوب ماعز النحيت=صاهود مقدم قوم لاصارت معارك وامعدا

العازمي

اصعب عليك السجن ياصاهود من غزو الكويت = هذا الكلام اللي سمعته من شباب المنتدى!!
انته ليامنك بنيت البني تهدم مابنيت = دايم يعدّونك خبر ماقط شفتك مبتدى!!

صاهود

السجن مدهال الرجال اللي لهم وقفه وصيت=واللي عطاك السالفه لو ابحث اعلومه غدا
قبلي ولد سلطان وابن حميد راحو كم بليت=واللي مايعدي في حياته لا توفا ما عدا

العازمي

اثنين فالصندوق والثالث على باب الونيت = وان قالو السواق واحد ضاع مجهوده سدا!!
ابك انت يومنّك تعد اسمك كماهم ماستحيت = اخر زمان العولمه ياصوت ماجالك صدا!!

صاهود

الفعل واحد والاسامي لو تغير مابكيت =اهم شي الخوف متمكن من اقلوب العدا
اليا ذكرت اسمي مع الشيخان ماضعت وغديت=املوككم تثني علي ولذّكرتني فالردا

العازمي

يالعارضي ربّ العوارض والبس شماغ وكويت = ثم قابل العتبان فالميدان ياجعلك فدا!!
لو الكويت الله يامنّا ماختلط ماها بـــ/زيت = يمد الخليج اليعربي يقْطر على الشاطي ندا!!

صاهود

مادام طاح المستوي بقطع حبال الاتكيت=وص العوازم تبعد الدرعا عن افهود الهدا
انتم كماهم خلط من شيراز وابلاد السوفيت=لاتاخذ الدرب المدي والرجل مافيها مدا

العازمي

افهود تضبح فالهدا .! فاخر زماني ماهقيت = لكن وص اهل الهدا قدام يرعبك الندا!!
حنا مواردنا مرات وغال ونسنّد لــهيت = مانشرب المخلوط ممشانا على سلم وقدا!!

صاهود

دنيا كفا الله شرها تجحد هل العشر وثبيت=حتي قصير الكف يضحك فالقبايل ويّحدا
الله يبارك في عتيبه سكنتك ابكل بيت=ولا من اول ماتحصل لا فطور ولا غدا

العازمي

يذكر قصير الكف فزعتنا بعد عاف المبيت = وانته على دربه تشق الثوب من ضاعة جدا!!
يالعارضي نعرفك فيد القوم لامنك غزيت = والله يبارك في عتيبه عزوتي سقم العدا!!

صاهود

مدري عباطه منك ولا في محلك مامشيت=عشرين ليله والمهند يالعوازم ماهدا
الشيخ يبقا شيخ والمسحوب ماعز النحيت=صاهود مقدم قوم لاصارت معارك وامعدا

المشاركة الأصلية كتبت بواسطة معجب العتيبي (المشاركة 955891) صااااااااهود اثرك يوم تقول لالعازمي اشغلني تقصد الطاروق احسبه عندك هههههههههههههههه اثركم جالسين هنا صح دنك وبدن ابو طلال

المشاركة الأصلية كتبت بواسطة فرهودي (المشاركة 955890) صحت اللسنتكم والله يالعازمي ويالمطاري قاف بين النخبه له طعمه الخاص

المشاركة الأصلية كتبت بواسطة كبتن عتيبه (المشاركة 955923) لو الكويت الله يامنّا ماختلـط ماهـا ب/زيـت يمد الخليج اليعربي يقْطر على الشاطي نـدا!! عيد/صاهود طاروق كايف لا هنتم