انا مازكي اهل الدين لو طالت مسابحها=وانا ماذمهم والحكم حكم الله ماهو حكمي!!
ماتنفعك الشيوخ اللي تعلق في مشالحها= ماتسمحلك رجال الامن تنقد لبسها الرسمي!!

رجال الدين والحسبه تبا شيخا" يناصحها = ولابه واحد" غيرك يناصحها حسب علمي
شيوخ القوم ماتدري عن اللي في مطارحها = وشيخ القوم لو يدري ماظنه يرتضي الظلمي

رجال العلم فيها حلم وادرى في مصالحها=تحكم الشور حزم وعزم وقت الحرب والسلمي!!
ترى راع الجمال اللي يضويها يسرحها=لكن انته تحلم ماتحقق لك ولا حلمي!!

صحيح اللي تقوله والعرب لقيت مطامحها = مطامح طيّبه للي طموحه يمتلك ختمي
ترى الشاه الهزيله ياعميل الخير ماذبحها = عشا السرحان ماهو جيفة" مكسورة العظمي