صاهود

سلامي سلامن يدفع الشر بالخير =عيديه عساكم تقبلون العيديه
وكالتك يامعجب تبث الخبر غير =تسمّم عقول الناس صبح وعشيه

معجب العتيبي

هلا مرحبا ترحيبةٍ تكسي مطير=هديه ومكسب للنفوس الرضيه
خبرنا يجي وافي ولافيه تقصير=يعالج مريض القلب لو زاد غيه

صاهود

يدوم البقا توك علي الغش واصغير=لا يضحك لك الشيطان واتحط ليه
خبركم يذم كليب ويمجد الزير=ولا ادري جهالة عرف ولاّ حميه

معجب العتيبي

على سنة اهل العرف من غير تبرير=يابو نيةٍ فالحج ماهيب نيه
مفاهيم خلق الله تجي كنها الطير=وطير السعد ماهبوب طير البليه

صاهود

ماصكر مناخرها وافكه علي الضير =ولدها ولدها والضيارا هفيه
ترا البير بيرك والقوايم علي البير=تورد هذيل وتمنع اهل الحنيه

معجب العتيبي

يقولون دهن السير مايتعب السير=ولاتزعل الرجال ضحكة خويه
حكم نجد رجلٍ مايحسب المخاسير=وعم العدل بأطراف نجد العذيه

صاهود

انا اقول غير كليب ماشفت فالدير=افر السما والار ض ملقا حليه
لابالله عم العدل بين المناعير=مادام الشريف ايّلبسونه قضيه

معجب العتيبي

اجل ماتشوف ولو عيونك مطايير=او انك قضيت العمر بأرضٍ خليه
صحيح الكلام اللي ذكرتوه ويصير=يحاسب على السيه ليا صاب سيه

انا ماقصدت امشاهد اعوير وازوير=كلامي محدد لاتشيطر عليه
معاك الشداد ايصير يركب علي العير=وحتي النجد معكم تشيل المطيه

عيونك وراها وسط راسك مغاوير=ياصاهود خل العرف لهل الحويه
ترا المسك ياصاهود مايشبه الكير=لكن انتبه واترك دروب الخطيه

تركنا البدو تركب علي الخيل وتغير=ولا فيهم اللي جاب راع العبيه
يروب البحر ماعدلتك المقادير=متي تترك التجريح والعنجهيه

بيض الله وجهك ياصهود كان ودنا انها تكون مباشره لكنها صارت تقصيد


مع اني اشك مانت صاهود!!!!!!

المشاركة الأصلية كتبت بواسطة معجب العتيبي (المشاركة 954403) بيض الله وجهك ياصهود كان ودنا انها تكون مباشره لكنها صارت تقصيد مع اني اشك مانت صاهود!!!!!!