صاهود

يابندر ويش رايك نبدي الموضوع=تعبّنا امن المجامل والخصوصيه
فريد النوع اشوفك ماتعده نوع=علي رغم اتفاق اهل البجاديه

بندر المرشدي

على اني خابرك فالجربعة جربوع=لكنّك شب نارك نارنا حية
ترا الدخان في سلم البدو ممنوع=ما يدخل فالمجالس يالزكرتية!!

صاهود

تادب فالحكي لازعل واصوعك صوع=والبسك الشماغ ابّدون طاقيه
تمنّع وانت دينك مثل حب الكوع=حرامي وامّتريس لك حراميه

بندر المرشدي

على هاذي ما تقدر ياقصير البوع=علاك الهون في جبهتك مارية
ندفك كل ليلة كنك القربوع=محمل من قسايمك المرورية

صاهود

زمان العام خليتك تذوق الجوع=رحمّك الله اب حكومتك المثاليه
تجيني يالعتيبي في ثلاث اجموع=وترجع ماتبا الروحات والجيه

بندر المرشدي

زمان العام عن خدك نمش دموع=وهالحينه تلوى كنك الحية
ترا ما انته بلا طامع ولا مطموع=حشا لله// ما اسوق الك .. رجليه

صاهود

مالوم العود يرمي حبلك المقطوع= غرور وكبر والنيات ملّويه
اثر راع البلد في حضرتك مخدوع=خدعته وانخدع واعطاك جنبيه

بندر المرشدي

هو اللي شاف اله عندك لغم مزروع=بعدها بالثلاث اعطاك حرية
ترقعّ في صميلك ماهو بمرقوع=ولاكن روح دور غير هاذيه

صاهود

انا شفته عليك ايطوّح القبوع = من الروعه فقعت وطحّت في ديّه
اثر لونه سوات البيب ابوكرسوع=رمادي وانت وقفاتك رماديه

المشاركة الأصلية كتبت بواسطة معجب العتيبي (المشاركة 946546) بندر التحدي مال صاهود الا الدف ههههه القديه القديه صح لسانك ملايين

المشاركة الأصلية كتبت بواسطة العازمي (المشاركة 946547) صاهود مبدع مبدع صح لسانك بندر التحدي لله درك وصح لسانك

مدام انك مشيت بخطك المقلوع=مقامي مع طريقك ما سمح ليّه
اثرك ميّز لونه من المشروع=نهار صار ابه فالخط حفرية

المشاركة الأصلية كتبت بواسطة بندر المرشدي (المشاركة 946563) الى اللقاء في طاروق آخر ياصاهود مدام انك مشيت بخطك المقلوع=مقامي مع طريقك ما سمح ليّه اثرك ميّز لونه من المشروع=نهار صار ابه فالخط حفرية

المشاركة الأصلية كتبت بواسطة ابو لمار (المشاركة 946556) الله الله الله طاروووق ناااار وبنزين ههههههههه صح لسانك ياصاهووود والصف صفك بلاشك وصح لسانك يابو سلطان ابدعتوا يالثنين