ياعود انا بنشدك بعض الناس وشفيه=هاذي ثلاث اسنين مانعرف حصيله
عندي مع الحجه سند والدرب نمشيه=يومن بعض الناس مافيها عقيله

ياهل الفكر كلاً معه فكر ويقديه=والعد جمه ماتغطيه النثيله!!
الفرض صله يابن ملحق لاتخليه= وحسب حسابك كل يوم وكل ليله!!

يابو فهد فنجال ابو زيد امتقهويه=وانته كما جساس وابكيت الجليله
الجم راهي دلوكم طاحت عراويه=لقيت بعض الناس مايشفي غليله

اسمع كلامي زين واعط القوس باريه=واللي يفتش دفتره يعرف عميله!!
نايف يدورله عذر ماعاد يمديه=اصبح سوات اللي على كبده مليله!!

اظن جرحك مانت لاقي من يداويه=من يوم راح اشعيل شيال الثقيله
اللشر صوبك يالثيتي لاتضويه=ياعود اناخابرك راسك فيه ميله