فالمرجلة وافي فعل واقول ولساني سليط = وانته ترى اسمك يالسعيدي ماورد فكتابها !!
انته مع الهذلان قلبك ينبض ودمك خليط = وانا عرفت الحاجة اللي تنسبك لانسابها !!

كلمة (سليط) الله يبارك فيك معناها (خريط) = وان ناسبتك الله يبارك فيك لاتضرابها !!
اناعريب جدود راعي جود ولّا انته قطيط = بعض المعاني لاتشرّع يمّكم بابوابها !!

الا والله رحت مع موج البحر روحت مقيط = يانعنبوها اللحيةٍ اللي ماتسر اشنابها !!
الكلمة اللي قلت علقها على عنقك بخيط = في كل حال تناسبك وانته تراك اولى بها !!

انا كويتك فالعلابي لاتعابط ياعبيط = ناسٍ تعابطنا لياقمنا ندوس ارقابها !!
يادبرة الله قامت اسنون العرب تقرط قريط = فيها شجاعه بس مدري كيف تاتبدابها !!

سبحانه اللي مرخصٍ جانبك يالوجه السخيط = القوم في دربك وطت اقدامها وركابها !!
ان كان تبغى العتق مني لاتدور لك وسيط = الارض تحت اقدامي الثنتين حب ترابها !!