المشاركة الأصلية كتبت بواسطة عقاب العنزي (المشاركة 942130) ياسلام طاروق عالمي بلا مجامله صحة الالسن والقلوب ..

القلم يكتب على الصفحه ولاتمحون حبره=بالحقايق (والصراحه نقطع الكف السروقه)
راعي الراي السديد اللي مع صرفه ودبره=ماتهاون بالخيال اللي سرى تبرق بروقه

الذراع اللي تكسّر دورو ياروق جبره = كان فيكم دم حنا مانبا نقطع عروقه
ماسمعت الصوت يوم الصوت به بحه ونبره = آثر فالاصوات صوتٍ غيّب المنطق طروقه

تعرف انّ البن الاشقر عندنا وزنه وعبره=والذراع يطول بالطاله ولاش احد(ن)يعوقه
فالليال الغبر حصلنا يارجل وجيه غبره=مير حنا مالنا في دورة الايام طوقه

احسب المجموع زين وراجع حسابك وجبره = طلّع المجموع والارقام من تحته وفوقه
المعزب لو يقلط فالصحن للضيف هبره = هبرةٍ من لونها ماهيب من ضانه ونوقه

الجبل حاسب ل/صقره ماحسبت حساب وبره=قلبك المفتوق طع شوري ورح خيّط فتوقه
اجل اقلط والصحن قدمك تربع فوق صبره=واجب الضيف الحشيم اله ليا جانا نسوقه

راعي المظهور قدامه مع الريعان سبره = ساق مظهوره ومثلك لاتعرّض له يسوقه
عام الاول يوم بيتك ياولد في حي شبره = مايجيك الا رجل يسعى على شفه وذوقه