الولد شب الحريقة والخبر في راس شايب = والجماعة صلحوها بالسياسة والحيالة
رايي انك لاتوردنا المشاكل والطلايب = وانت شاعر عازمي نعرف وشنهو راس ماله

المداهن للمخنصر والولايف والحبايب = من هو اللي قدّمك من دون قاصر بالوكاله!!
ماتخم الا الردي ياسعود نيران الحرايب = وانت راعي بيت مار البيت ما ظلّل ظلاله!!

واللعانة يابن عاصي عند ملعون الصلايب = طول عمره مايعرف اهل الظفر واهل الشكاله
دوروا درب السلامة كانها شبّت شبايب = قبل تصبح طقةٍ في روسكم على عجاله

انت عضو الثوره اللي للعنا كانت سبايب = من صلح فيها صلح واللي رفض يمشي لحاله!!
يوم صكّات الليال ويوم دورات الهبايب = من مشى يعرج خلاف القوم محضورٍ قتاله!!

تبطل التهمة ويرجع من بدى بالشر خايب = واحدٍ جاهل وانا مانيب فاضي للجهالة
كل ماشفت العوازم قلت يادنيا العجايب = وش علاقة ظالم الاجواد مع شيخ العدالة