المشاركة الأصلية كتبت بواسطة معجب العتيبي (المشاركة 947413) صاهود جحدوك اللي فوق ههههههههههههههه تعال تعال جنبي

علي فلاح العضياني

يا مرحبا رحب لو إنقدّره بالفلوس=غالي , و يرجح بميزانيّة الراجحي !!!
أخبار الأمطار جابوها الرجال العسوس= اللي على ديرتك يا حامد القارحي !!!

حامد القارحي

دام البقا لين ترضى ضايقات النفوس=وان كان ماجات في صالحك في صالحي
وأهل المنايح بلاش يصررون الديوس =وان كان مايستحون القارحي يستحي

علي فلاح العضياني

بعض المعاني خطيره كنّها حدّ موس= يا شاعر هذيل تحلق لحية الملتحي !!!
اللي كسب فالحياه من المواقف دروس=فالذاكره مع مرور الوقت ما تنمّحي !!!

حامد القارحي

الحب صافي وقالوا داخل الحب سوس=واللي صحي يخبر اللي غافلا ماصحي
أدخل على الفي والا حرقتك الشموس=لو في المحاني وحي نزل عليكم وحي

علي فلاح العضياني

يالواصل اللي تروّس ما انت قادر تروس= ما كلّ رجّال مثل ( مناحي ) و ( دنّحي ) !!!
لولاي طفّيت عنكم نار حربٍ ضروس=دارت عليك الدواير مثل دور الرّحي !!!

حامد القارحي

أصعد بك الضلع والا انزلك في الطعوس=اليا قضمت الحجر يعدم عليك اللحي
والباقر اللي تصلي له كبار المجوس=لو جاهم الجوع راح الباقر امفطحي

علي فلاح العضياني

خلّك على الضلع لا تقعد تحوس و تدوس=عن سالفتكم درى اللي فالبلد منتحي !!!
حنّا عتيبه خلقنا الله على الناس روس=برقاوي يكون و لاّ مزحمي و اطلحي !!!

حامد القارحي

وش عاد يبقى بعد طاحت قرون التيوس=يابن فلاح افلح افلح عمك المفلحي
حطيتم العرس والمعرس شرد بالعروس=وهذيل ربحت عسى الهيلا بعد تربحي

علي فلاح العضياني

العزّ و الطيب بقلوب الرجال مغروس=في شارب إبليس يا روس الزنود اقدحي !!!
من لا تلبّس من ثياب المعزّه لبوس=يموت صيته لو إنّه بين الاجواد حيّ !!!!

المشاركة الأصلية كتبت بواسطة معجب العتيبي (المشاركة 947426) عبدالله الهذلي حتى لو فيه بوفيه عندنا نحاسب عن الصفوف ههههههههههه تسلم تسلم يابو عابد حضور يليق بهذيل

المشاركة الأصلية كتبت بواسطة عبدالله المطرفي الهذلي (المشاركة 947431) صاهوود أمسك صف هذيل وبنخليك تاخذ عمره على حسابنا ونوديك تقنص في الحره واللي تبيه بس لاتروح ههههههه كلها مغريات