العمدة=
يا مرحبا يا بن وايل رحب برقا وروق=العـزوة اللـي تشرفهـا مواقيفـهـا
العام لعقـاب نفـسً للثريـا تتـوق=لكن سـود السنيـن تحـده بسيفهـا
عقاااب العنزي=
دام البقا والسنين إبها غروب وشروق=ياعزوة ٍ اربـك التاريـخ تصنيفهـا
خابرك فيما مضا طيّب ورجل ٍ صدوق=لكن بعض السوالـف بـان تحريفهـا
العمدة=
ما في خوال الرسول مسلسلين العروق=ألا عمى القوم مع تكريمهـا ضيفهـا
لكن بعض الخلايق ربعها فوق فـوق=واللي بقي ناس ما تلقـى مصاريفهـا
عقاااب العنزي=
ماقد سمعت الامين اصبح بناخي سروق=هرجتك ياصاحبي ياصعـب تصريفهـا
عن الدسم يارعد يكفيك شرب الغبـوق=كل ماكثـرت لابتـك كثـرو ملاقيفهـا
العمدة=
اهل النضا والقنا رمز الوفا ما تبوق=والحجة الدامغة ما احتـاج تعريفهـا
بين العمى والمفتح ويش كثر الفروق=واللـي تعديتهـا تبشـر بتخفيفهـا
عقاااب العنزي=
كل قوم كود عنزه لن جات لزم الحلوق=يكفيك عن طول مشرحهـا وتكليفهـا
لاتحسبني على بعض السوالف شفوق=كم هرجة ٍ آتجاهلهـا وانـا معيفهـا
العمدة=
يا سرع ما احرفتها فالدرب ياللي تسوق=اكثر شقا الناس ناتج عـن تصانيفهـا
ان دورها الرجـال مكمليـن الحقـوق=ما حصلوا عندكـم لـو انـه نصيفهـا
عقاااب العنزي=
ابضاعة ٍ شفتها من عام في كل سـوق=ليه العرب من سنه تمشي على كيفها !!
ياللي تخيل المزون ولاتخيـل البـروق=الله يجمـلّـك فبيـوتـك وتصفيفـهـا
العمدة=
يا لابس البشت راح البشت كله فتوق=والارض عييت ترقا فـي مشاريفهـا
والجادل اللي لها سيد العشاشيق شوق=من شوفة عقاب يا ما كبر تحاسيفهـا
عقاااب العنزي=
يامكرم ٍ شاربك دقنك وراه امحلوق=امريكيا مانكبهـا غيـر تزييفهـا
طوقتها يارعد عنك بتسعين طوق=وانته تعيفك بعض احيان وتعيفها
العمدة=
الزيف ماهو لركاب الحصان السبـوق=للـي معـه عـادةً تبطـي تخاليفهـا
كبّرت أمانيك وانته ما انت حماي نوق=ترقد ضحى والاماني طـال تسويفهـا
عقاااب العنزي=
ياللي خرقت اللوايح كيف رقع الخروق=من شان نقدر على الدعوه وتلطيفهـا
مدري متى صاحبي عن ماحصلّه يفوق=مدام صرف الذهب في حكمة جنيفهـا
العمدة=
تريد صخر الطروق وصخرتك الطروق=تنساق معهـا ولا وفقـت توظيفهـا
راع الهذراي نسوقه سوق حتى يروق=واهل المعاريف ما ينسـى معاريفهـا
عقاااب العنزي=
الاوله روّحت لو كان ماهي تلـوق=في حضرتك مير خذها في مضاريفها
ياللي تعصب العمامه قدم وقع الفلوق=نفسك لها ايام بانت لـي تخاريفهـا
صحت السنتكم
يالثنين
محاورة جميلة
