البقاء بالشاعر اللي لاسمعت إلحون قافه = انشرح صدري ونفسي معه لاقيةٍ مناها.
المشاكل قدم هارون الرشيد ومن خلافه= والنفوس المخطية لابد ماتأخذ جزاها.

مانشدنا حضرتك وش صار في جسر الرصافه =من هدم صرح الجسور المعجزات ومن بناها؟
كان ماتدري حسافه وان دريت ابها حسافه =روح وانشد من طبخ كبد البعير ومن شواها

مابناها الا رفيقٍ ماشكى منها كلافه = مارحاكم هدها والصبح ميراده علاها.
لاتسوي حرفنه ماخبرك راعي للحرافه = النجوم العالية محدٍ لحقها في سماها.

من قنع بالهينه ...ينهان والدنيا حرافه =احترف ولا تجنب سكةٍ حاكم مشاهاسلام عليك
من سمع صوت الرعود يقول يالله الريافه =وانت تسمع صوتها لكن عينك ماتراها

لاتزوّد من مزاد القوم وانزيدك ضعافه = المثل قد قال من دور على الحاجه لقاها.
منهو اللي شافها بالعين قدمك يالعرافه = الرعود اتحن ومزون الخيال انهل ماها.

الضيوف اللي لفو واستعمروا قصر الضيافه =لاتقصر في عشاها وانت وافٍ في غداها
كل حيٍ شاف مير سعود مدري كيف شافه =كحل عيونه بكحلٍ منتهـي سبـب عماهـا

لو تصرفها تراها بيّنه لاهل الصرافه = العلوم المخطية مايلحق الطيب رداها
دام خطك مستوي لك ماحصل فيه انعطافه = لاتكبه لومعه جامعك زحمة في سراها.

انت من بعض العلوم تصيبك احيانا مخافه =ترتجف عظمان ساقك من خلاها في خلاها
مانقول الا الادب فرع ٍ من فروع الثقافه =لاغرابه يوم اشوف النفس طايح مستواها

انت مني يدخلك شكه وحكه وارتجافه =ليش تزعل والرجال اهل الوفاء تحمى حماها.
لبسنا لبس نظيف و لبسكم ياهل النظافه = مانقول الا نظيف وكل داء والها دواها.