79عيد وجعل عزّك يزيد=ياموطن العز يامهد الفخر والشموخ
اليوم فيك احتفلنا عيد في قلب عيد=تاريخك المجد والباسك بشوت الشيوخ
دم السعودي خضر(لون العلم)بالوريد=شعب وحكومة وقفناصف مابه شروخ

المشاركة الأصلية كتبت بواسطة سعد السميري (المشاركة 919406) بسم الله الرحمن الرحيم السلام عليكم ورحمة الله وبركاته كل عآم وأنت بخيـر .. أخوي .. هلال العتيبي وتقبًل الله منًا ومنكم صآلح الأعمال .. صح لسآنك طأل عمرك .. وعلأ شانك .. بدون أي مجآملة .. أعجبتني مقطوعاتك .. شآعر متمكن .. وصوت رائع .. وحضور راقي .. للأمآم .. وإنتظرني فالسآحه وجنبك إن شاءالله .. :)

عنب يمن قالوا وقلنا بلح شام=وطالت مسافات الفراق وعتبها
الجمرتين اللي كوتني من العام=هذي سنة وانا احترق في لهبها
أمّا اطفها بخصام من سدّه اخصام=وإلاّ اسقط نجوم الوصال وشهبها!!
تاهت بي الخطوه وتاهن الاقدام=وفرحة زماني من يدي من نهبها؟؟
تعال يانبض القصايد والاقلام=شاعرك كل افراح عمره وهبها
تعال نحيا الواقع بشكل الاحلام=ونطرّز أفراح الحياة بذهبها
أرسملك الفرحة على وجه الايام=وننسى السنبن الماضيات وتعبها

مشواري من الحجاز لنجد ياقربه=لو انّك تعيرني ياطير جنحانك
واحوم حوم القطا واطير في سربه=وانصاك ياسيّد الخلان ف اوطانك
واعبرفضانجد من شرقه اليا غربه=ولا اعوّد إلا بعد ما ادل عنوانك
لجل امسح الدمع من عينٍ تحدّربه=وادعي من القلب عساها آخر احزانك
اليا طعنك الزمن في مقتل بحربه=انزع حراب الزمان بقوّة ايمانك
العمر سكة وداع وعتمة وغربه=لاتعصف رياحك ولاتمطر امزانك
ماتقدر ترجّع اللي راح في دربه=لكن كثر البكاء لايدمر اعيانك
وغلاك لولا كلام الناس لاجهر به=لكن أضف الغلا من شاني وشانك

موطني يامهبط الوحي ياوهج الشموس=يافنار العلم مهد الرسالة والنبي
فيك بيت الله تهفو له اخيار النفوس=من بقاع الارض شرقيّها والمغربي
ديرتي يامنهل النور فالوقت العبوس=يازهور العشق في كل حرفٍ يعربي
لبّسوها آل السعود الحلي واغلى اللبوس=درعها الإسلام وسيوفها الشعب الأبي

المشاركة الأصلية كتبت بواسطة هلال العتيبي (المشاركة 891382) يسم الله الرحمن الرحيم احبتي هنا سوف أعرض لكم مجموعة من أوراقي ومقاطع من قصائدي اكثرها لم تنشر على الأقل هنا أرجو أن تنال استحسانكم ورضاكم الورقة 1 ياسيّد القاف هذا القاف لك وحـدك=ياباشة الحرف يانبضـه ووجدانـه ياساكـن القلـب لاقبلـك ولابعـدك=أحدن سكن فالفؤاد وزلـزل اركانـه ابطيت وانا اتحرّا وانتظلر وعـدك=وابدي لنو الحيـا واخيّـل امزانـه ياصاح لاورد فالدنبـا سـوى وردك=المختلف حيل ف/اشكاله وف/الوانه اطلب نجوم الثريا وابشـر بسعـدك=ويمكن اجيب القمر واقولّـك عانـه شاعرك مفتون في صيفك وفي بردك=لو تسكن الواق واق اوطانك اوطانه

المشاركة الأصلية كتبت بواسطة ابن سرحان الثبيتي (المشاركة 922043) الله عليك ياهلال امتعتنا بكل ماتخط اناملك ونحن متابعين لكل جديد تضيفه ومتى ما امرت جاهزين لتنسيقها في صفحة واحدة تمهيدا لوضعها في ديوان خاص بك

المشاركة الأصلية كتبت بواسطة معلا إبراهيم الأسعدي (المشاركة 922660) صح لسانك واعتلا شانك وبيض الله وجهك لاهنت دمت بخير تقبلوا خالص تحياتي أخوكم

المشاركة الأصلية كتبت بواسطة عبد المجيد بن عريج (المشاركة 922757) هلال عزالله انك شاعر فحل يالقرم وبيض الله وجهك وليتك تنشر دوم مثلك نستفيد منه والجزاله منك وفيك يالذيب لاخلا ولاعدم مودتي لك

المشاركة الأصلية كتبت بواسطة سلطان الاشراف (المشاركة 923178) السلام عليكم ورحمة الله وبركاته 00 هذا الشعر الحقيقي , هذا الإبداع بكل ماتحمله الكلمة من معنى , قمة الروعة أبيات جميلة من شاعر أجمل 00 هذا وهي مجموعة أوراق سلبت العقول , كيف لو كانت في ديوان 00000 قمة الإبداع أخوي هلال 00 بيض الله وجهك وصح إلسانك , ومن الظلم أن لا تدون مثل هذه الأبيات ليس على شاشة الإنترنت فقط , ولكن من الظلم الكبير أن لايكون هذا الديوان مباعا داخل أسواقنا ومكتباتنا , ومن الجور أن تحرم هذه القصائد قبل أن تحرم هذه الشاعرية من ظهورها الإعلامي , بكل أشكاله المقرؤ والمسموع 00 أنتظر مشاركتك في شاعر المليون , وأنا أضمن لك أحد المراكز الثلاثة الأولى على أقل تقدير , فأنت شاعر مبدع , وقصائدك راقية , وعتيبي يعني إزهل التصويت , وأبشر بالتصويت من جماعتي لأنك تستاهل 00 أو على الأقل وأنا طالبك وقول تم 00 ديوان ( بمعنى كتاب لقصائدك ) يباع في جميع دور النشر ( المكتبات ) ,وقبل ما تنزله عطني خبر , لأحظى بشرف إني أول من يشتري ديوان الشاعر المبدع ( هلال العتيبي ) 00 بكل أمانة جميع ما كتبت أعجبني , وخصوصا , 2 , 9 هلال العتيبي , هلال العتيبي , هلال العتيبي , هلال العتيبي , هلال العتيبي , هلال العتيبي , هلال العتيبي ماني بمجنون , لكن أردد الإسم , لأني متأكد بأني سأسمعه يوم من الأيام في صحافتنا , ومجلاتنا , وبرامجنا , وقنواتنا , على مستوى المملكة العربية السعودية 00 آسف للإطالة , ولكن إعجابي بشعرك جعلني أطيل الكتابة بدون لا أشعر , وأظن أني لم أوفي نصف شاعريتك حقها إلى الآن 00 تحياتي 00 أخوكم سلطان الأشراف

ياورود الطايف احساسي الليلة قصيد=والحروف اغصان يلعب بها ريح الصبا
كلّما ذعذع نسيم المشاعر من جديد=ذكّر المشتاق عهد المودّة والصبا
أنت ياللي شوفك وقربك وطاريك عيد=يالطيف الروح مسموح ياعذب النبا
أنت بس آمر تدلل وشتحب وتريد=لو طلبت سهيل والمشتري قلنا جبا
شوف كم لك في بنوك المحبة من رصيد=كنك أكبر تاجرٍ حط ماله فالربا

تمهّل قبل ترحل اليا عالم النسيان=وتنسى الذي لاهو بناسي ولاداله
ولاعافك الخاطر ولاملّك الوجدان=هذ الهرج من قاله هذ الهرج من قاله
غلاك وهواك وكل شيٍّ على ماكان=على حطّة ايدك كل شيٍّ على حاله
هنا فوضويّتك وجنونك لها عنوان=وهنا الذكريات وصادق الحب واطلاله
وهداياك تملأ باحة الصدر والاركان=وينبّض لك الخفاق في مجمل احواله
سقى الله زمان الوصل ياسيّد الخلان=زمانٍ شربنا الهيل من غالي ادلاله

ودي أزورك واشوفك يابعد حيـي= لكن بعـد المسافـة بيننـا حايـل
ياليتني في مرابـع حاتـم الطيـي= في مرقبٍ نايفٍ وابدي على حايـل
ياسلطنة خافقي وجنونـي وغيـي=الشوق لك من مشاريف الحشا سايل
ياشرقي وغربي وياشمسي وفيـي=شيّدت لك في فؤادي معلـمٍ طايل
ان قلت من نور وجهك يشرق الضيي=ردّيه عنّي اليا قالوا من القايل
وان قالوا انتي كما باقي البشر عيي=قولي انا البدر في مرقابه الهايل
أمّا أنا في غرامك ماحدن زيي=حتّى لوانّي من هموم الزمن شايل
إن قلت زانت وحلمي صار متهيي=كذا اعترضها الحقاف وحظّي المايل

المشاركة الأصلية كتبت بواسطة ابن سرحان الثبيتي (المشاركة 935524) لله درك ياهلال متابعين لكــــ ولاوراقك الفاخره

حي الله اللي فوق هام الغلا فوق=اللي رماني في بحور المودّة
اتوق له واتوق واتوق واتوق=توق الغريق لمنقذ يمدّ يدّه
اليا قريت حروفه ارتاح واروق=تقول بحّار (ن) ولف بحر جدّة
وألاّ حجازي شايف(ن)نو وبروق=مع كل نوضة برق شوفه يلدّه
الله يفرج ضيقة الصدر ياذوق=يابلسم احساسي وعطره وندّه
ياللي عليك من الحلا والبها طوق=مثل طلوع النور ماعنك صدّه

يازين شاب الامل في زحمة ظنونـك=قتلت ود الشعـور وعمـر الاحلامـا
سجنت حرفي وانا مفتـون فعيونـك=ياما تمنيـت اصافـح ودّهـا يامـا
الله حسيبي على اللي حال من دونك=واقف على الدرب عثرة طول الاياما
ليتك تجمّل وتقبـل عـذر مفتونـك=لاتشتكينـي علـى بـاراك اوبامـا
وياورد عندي فضول اداعب غصونك=واخاف من شوكك وعثرات الاقدامـا
بادر بنفحة وصل واصيـر ممنونـك=ارسمك وانا كفـو شاعـر ورسامـا
تعال نرسم شعاع الشمس من لونـك=واكتبك حرف(ن) تعذّر عنه الاقلامـا

الدّرر وش الدّرر غير الحكي من فمّك=والجواهر مااعتبرها غير هرج لسانك
تسمح ارحل منك فيك ومن عذابك يمّك=تسمح ارحل من جنونك ف الهوى لجنانك.
تسمح ابعثرك واشتّتك ثم المّك=واجمع اسراب القصيد التايهة ف احضانك
تسمح أظما من رواك وتسمح اروى جمّك=سيدي شكّلني ولوّني بألوانك
تسمح اسكن في شرايينك واخالط دمّك=واتربّع فالحشا وابات في وجدانك
إن تعبت اتعب معك والقلب يحمل همّك=ودي اشاطرك لوعات الزمن واحزانك
انت ياورد الحجاز اهواك واعشق شمّك=ليتني ياورد نحل(ن) ساكن(ن)ف اغصانك

لبيّك يادرّة حروف القصيدة=ياسندريلا العشق يانبض مغليك
يادانة(ن)جوف البحور البعيدة=ياحلم غواصٍ قضى العمر يرجيك
اليا انكسر مجداف جدّف بأيده=ماانساه هول البحرذكْرك وطاريك
معطيك عنوان الخفوق وبريده=على ضفاف الحلم ساري يناديك
ماكنّك إلاّ قطرةٍ في وريده=من زود حبّك مازهد لحظةٍ فيك

يابخت نجد العذيّة بالذي زارها=زاد الخزامى خزامى والمشاتل ورود
عطرتي انفاسها واشعلتي انوارها=زينٍ على زين وانتي مال زينك حدود
حتى القلوب اقتحمتي عالي اسوارها=حبّك غزو مايردونه سريّة جنود
بعْدك دمار القلوب وقربك إعْمارها=شوفي سهر عيني ورعشة خفوقي شهود

ودّك تعـدّا حدّنـا ياحليـلـك!؟=ماعلمـوك انّاعرب دمّنـا حـار
لوتجلب بزيفك ورجلـك وخيلـك=قدّمك عذابٍ منْزل وسيف بتـار
نقدر من اطراف الجزيرة نزيلك=احدودنا موت وبراكين واعصار
هذا جبل دخـان ياطـول ليلـك=بعده تشوف اجبال واجبال من نار
هـذي رسالتنـا وعلّـم خليلـك=تبّت يداكم ياغريبيـن الاطـوار
اللي يحوشك حوش واعمى دليلك=رماك فدْروب المهالك والاخطار
يقول هذا دربك وشد حيلك=واللي يساق ويجري لحتفه0000

المشاركة الأصلية كتبت بواسطة !المرشدي الروقي! (المشاركة 951607) صح السانك ولاعدمنا جديدك يالسنافي....مع تحيات :الخذامي

المشاركة الأصلية كتبت بواسطة نــايف الــبــرقــــاوي (المشاركة 952773) صح لساااااااااااااااااااااانك مليوووووووون يا مبدع اخ هلال العتيبي اهنيك على هالقصيد والابداع وننتضر جديدك تحياتي

اخوي نايف البرقاوي
صح قلبك ونبضك
تواجدك فخر لاعدمتك

يامرحبا في بلادك وانت قلبك وطن=قلبك وطن يسكنه عشرين مليون قلب
من حد الاردن شمال اليا حدود اليمن=ومن الخبر شرق حتى ساحل الليث غرب
هذا هو الشعب يحسب جيّتك بالزمن=ويبادلك فرحه بفرحه وحبٍِّ بحب
سلامتك ماتقدّر سيّدي بالثمن=يافارسٍ تعشقك دولة ويهواك شعب
من شاف بسمة شفاتك مايشوف الحزن=بشاشة الوجه تكفي عن طعامٍ وشرب
مدّت يمينك تشابه ساريات المزن=ولمساتك الحانية رحمة وبلْسم وطب
كأنّك البحر جودٍ ماتقفاه من=وكأنّك النود ساعة بالبشاير تهب

المشاركة الأصلية كتبت بواسطة هلال العتيبي (المشاركة 958980) الورقة 26 يامرحبا في بلادك وانت قلبك وطن=قلبك وطن يسكنه عشرين مليون قلب من حد الاردن شمال اليا حدود اليمن=ومن الخبر شرق حتى ساحل الليث غرب هذا هو الشعب يحسب جيّتك بالزمن=ويبادلك فرحه بفرحه وحبٍِّ بحب سلامتك ماتقدّر سيّدي بالثمن=يافارسٍ تعشقك دولة ويهواك شعب من شاف بسمة شفاتك مايشوف الحزن=بشاشة الوجه تكفي عن طعامٍ وشرب مدّت يمينك تشابه ساريات المزن=ولمساتك الحانية رحمة وبلْسم وطب كأنّك البحر جودٍ ماتقفاه من=وكأنّك النود ساعة بالبشاير تهب

المشاركة الأصلية كتبت بواسطة أسير القوافي (المشاركة 959366) صح لسااااااااااااانك حتى ترضى .. :) لاهنت أخوي .. هلال العتيبي وأهنئك وأهنئ الشعب السعودي في سمو سمو سيدي الأمير سلطان بن عبدالعزيز في عودته لأرض الوطن سالما معافا .. ننتظر ماتروق له نفسك :)

سلام الله والهاجس على بنّه طغى هيله=بدع زين البيوت وحافها واحسن قوافيها
يصب الكيف الاشقر من دلاله في فناجيله=يسوقه في يدين رجال تاخذها وتعطيها
سعد واقبال وابراهيم محور حفلنا الليله=لهم منّا الوفاء والطيب والازهار نهديها
تحيه صادقة يامنبع النور ومشاعيله=شموع(ن)تحترق لجل الدروب ومن مشى فيها
أكيد انتم مقابيس الدجى وانتم قناديله=معين(ن)مانضب يطوي بلاد الله ويسقيها
لكم درع الوفا والكل منكم مابخس كيله=يدير الشور والصعبه يعقّلها ويثنيها
أثرْكم//في رياض المعرفه فاحت مداهيله=وجيش العاديات النقع ثاير من مواطيها
وخط اقلامكم ميدان تصهل فالوغى خيله=نواياكم خيول الخير معقود بنواصيها
وفيتوا في عطاكم كل فارس حسب تحصيله=وشيّدّتوا حصون العلم وارسيتوا مبانيها
وانا اقول المعلم واجب(ن)مدحه وتبجيله=سواة الغيث يسقي جرهد البيداء ويحييها
ونبى نخرج عن الموضوع ونغيّر تفاصيله=هروج(ن)مانبى النايد من العربان يوحيها
يقولون التقاعد زين للي ماسكن حيله=يدوّر له برنسيسه تدفّيه ويدفّيها
اليا شفت الحبيب الاوّلي جفّت مناهيله=وقام يسفّط الافراح بالدّور ويطوّيها
علاك بقوم(تؤبرني) أو(اتْنيّل قتك نيله)=وهات الدّرّه اللي ماتخجّل وجه شاريها
تسوّي في حنايا الصدر تدويره وتحويله=تلمّع حلمك المهجور وايّامك تحليها
ومن ضاعت علومه ينتخي بأمّه وتدعيله=عسى ربه ييسرله اليا كثرت دعاويها
أمّا مسيار وإلاّ كهلته تعطف وتاويله=يتنّح عندها تقعد تفليه ويفلّيها
ومن فاته قطار العرس يالاصحاب عزّيله=يقرّط في عجوزه ويتجوّد في علابيها
يعذّر في جميع احلامه ويقْصب معاميله=وريعان الفشيله والنقد لاعاد يبديها
وانا خابر سعد في صدره هروج(ن)لها طيله=مرار يقولها ومرار يجْحدها ويخفيها
وابراهيم ابْلش أهل جياد وكدي بتهاويله=يسرّح كارثة والثانيه حالا يضوّيها
واقبال مسوّي المحجاه ومجهز درابيله=يطير الصيد وهو يرفع البندق ويرخيها
وانا اقول استريحوا خلّوا العرس لرجاجيله=سواة (مسّفر)اللي لن نواى حاجه يسوّيها
ابن حمدان ابن حمدان من ياصل مواصيله=يقول الثالثه لن دبّر الرحمن ناويها
وصلاة الله عدد مالاح بارق وانحدر سيْله=على من بلّغ الدعوة وصاغ اجمل معانيها

لأخ الغالي
الشاعر هلال العتيبي
صح الله لسانك ملايين ولا فض فوهك عزيز
قصائد جميلة أستمتعت في هذه المساحة العطرة
أخوك العتيبي أبا غيث كان هنا فتقبل مرورة وردة
لك مودتي الخالصة

المشاركة الأصلية كتبت بواسطة العتيبي أبا غيث (المشاركة 962438) لأخ الغالي الشاعر هلال العتيبي صح الله لسانك ملايين ولا فض فوهك عزيز قصائد جميلة أستمتعت في هذه المساحة العطرة أخوك العتيبي أبا غيث كان هنا فتقبل مرورة وردة لك مودتي الخالصة

حي الله اللي محتفظ بالمودّة=ماغرّ منهايوم غيره نساها
حتى لوانّه ساكنٍ وسط جدّة=ماغيّره بحر العروس وهواها
الطيب ورث اعمامه وّورث جدّه=نعم الرجال اللي ينومس نباها
نفسه عن دروب العلا ماتردّه=يرقى لها لو انّها في سماها
لو تنتخي تلقاه في كل لدّه=درعٍ وسيف تفخربْه وتباها
فالمعضلات يسوق عمره وكدّه=طنخة عتيبي عاليٍ مستواها
راسي سواة طويق ماباح سدّه=تهبّه الريح وتعوّد وراها

المشاركة الأصلية كتبت بواسطة مشاري الحبردي (المشاركة 972373) صح لسانك ياهلال

ياللي على الخاطر لك ايام تطـري=لبى الغـلا والذكريـات الجميلـة
لازال طيفك ضيف نبضي وصدري=وان مرّ طيفك ماهي بـأي ليلـة
غلاك بلسم فالشراييـن يسـري=وذكراك وشم الطب يعجز يشيلـه
بدري عليّ انساك يازين بـدري=يامستحلّ القلـب فتـرة طويلـه
ألقاك فأوَل وآخركتـاب عمـري=ف اغلافه وفي محتـواه ودليلـه
تاهت بنا الايامام ماعـاد نـدري=الحلم يجرفنا اليـا ويـن سيلـه
مثل السحاب اشوف الايام تجري=ويابخت منهو طاعة الله حصيلـه

وشيريد الحظ الاقشر وشيريـد=يلـوي احلامـي ويثنيهاثنـي
وشبقى فالدرب يالقلب العنيـد=والهجوس بكل قاف تهيجنـي
ودّي ابحربك اليا الشط البعيـد=مادعوت إلاّانت هيّـا خاونـي
السفر في صحبتك عالم جديـد=من بساتين الغلانجنـي جنـي
في محطات البطـا وشتستفيـد=العمر يجري بنا وانتـه ونـي
في عيونك تزهر ابيات القصيد=من نجوم الفرقد ابنيهـا بنـي
وكان تبغى الصدق والعلم الاكيد=سيف ابوطالب علي ماينحنـي
واعلم انّك ساكن جوف الوريد=تنفد انفاسـي وحبّـك مافنـي