انته أثّر فيك مصقول النصاب اللي نحدّه=جبت لك علمٍ يسوّد وجهك و جيت تعديبه
انت في سدّ الجدار اللي نبا فوقك نهدّه=أثرك من سلالة الحجّاج في مكه و طيبه

صح بدنك يابو فلاح

ابيض وجه يالغالي

وااافي واافي
والفائده لي طال عمرك



تحيااتي لك

المشاركة الأصلية كتبت بواسطة ابو لمار (المشاركة 848661) الله الله ماعليكم زود وانتم في جهاد وفي مكدّه = كمّ واحد من طرفكم لو سرح يضوي بخيبه نقرن الاقوال بافعال الرجال المستبدّه = جدنا الحجاج والحجاج له سلطه وهيبه

المشاركة الأصلية كتبت بواسطة ابو لمار (المشاركة 848661) الله الله نقرن الاقوال بافعال الرجال المستبدّه = جدنا الحجاج والحجاج له سلطه وهيبه

مرحباااا مليووون يالمطرفي

الابداع تشريفك لي بمرورك العطر

لاخلا ولاعدم يالغالي


تحيااتي لك

علي العضياني=

صار لك يابو لمار بمنتدى العتبـان مـدّه=و أعتبرك الله يبارك فيك واحد من عتيبه
غير وقت الماقف الغصّاب كلٍ دون حـدّه=الله أكبر هات ما عندك و جيب اللي تجيبه

ابو لمار =

ابشر ابشر يالعتيبي هات علمك لي وبدّه=مالحقني فيك ياراعي الوفا شكه وريبـه
اخذ علمي من لساني يالعضيانـي وودّه=وان حمينا الاوله والتاليه ماهي غريبـه

علي العضياني=

بعد ما حصّلت لك فلّه علـى كرنيـش جـدّه=خـلّ نظراتـك بعيـده لا تخلّيهـا قريـبـه
الرجل ما يخفي اسمه و اسم ابوه مع اسم جدّه=غير رجالٍ يبا يرضى علـى نفسـه غليبـه

ابو لمار =

الكلام اللي تقوله ماعرفنـا ويـش سـدّه=بعض الاحيان اتعجب من سوالفك العجيبـه
مشكلتك انك ماتعرف غير اخوك اللي تودّه=وانت لو تجهل حقوق الناس ياكبر المصيبه

علي العضياني=

جاك بيتٍ فيه معنى ... ما وصلني منك ردّه=واضحه ما كل من يرم الهدف يقدر يصيبه
الحقيقه واحدٍ ما نعرف اسمـه مـا نعـدّه=يوم كلٍ يشهر اسمه و أصله اللي يعتزيبـه

ابو لمار =

كل معنى من رموزه ينكشف هزله وجدّه=ليلك اظلم من سواده سرمدي ماينسريبه
كم بعير" في الليالي الماضيه موسوم خدّه=يوم كل" في هذاك الوقت مايجهل صحيبه

علي العضياني=

ليت أبوك اللي ما اعرف اسمه توسّد له مخدّه=ويش ضوّى بعد ما سافر على ظهر النجيبـه
الهروج الفاضيه لـبّ إنتباهـي مـا تشـدّه=ما نعرف الرجل حتّى نعرف أفعالـه و طيبـه

ابو لمار =

ماعليكم زود وانتم في جهاد وفـي مكـدّه=كمّ واحد من طرفكم لو سرح يضوي بخيبه
نقرن الاقوال بافعـال الرجـال المستبـدّه=جدنا الحجاج والحجاج له سلطـه وهيبـه

علي العضياني=

انته أثّر فيك مصقول النصاب اللي نحدّه=جبت لك علمٍ يسوّد وجهك و جيت تعديبه
انت في سدّ الجدار اللي نبا فوقك نهـدّه=أثرك من سلالة الحجّاج في مكه و طيبه