يامل قلـب كـل مـا ألتـم الأشفـاق= من عام الأول به دواكيـك وصفـوق
كنه مع الدلال يجلب بالاسواق =وعامين عنده معزل الوسط ما سوق

يامل قلـب كـل مـا ألتـم الأشفـاق=من عام الأول به دواكيـك وصفـوق
كنه مع الدلال يجلب بالاسواق =وعامين عنده معزل الوسط ما سوق
يجاهد جنود فـي سواهيـج الأطـراق=ويكشف له أسـرار كتمهـا بصنـدوق
لا عنّ له تذكـار الأحبـاب وأشتـاق=باله.وطاف بخاطـره طـاري الشـوق
دنيت لـه مـن غالي البـن مـالاق=بالكف ناقيها عـن العـذف منسـوق
أحمس ثـلاث يانديمـي علـى سـاق=ريحه على جمر الغضا يفضح السوق
واياك والنيـه وبالـك والأحـراق=واصحى تصير بعاجل الحمس مطفـوق
الى أصفرّ لونه ثـم بشـت بالأعـراق=صفرا كما الياقوت يطرب له المـوق
وعطـت بريـحٍ فاضـح فاخـر فـاق= ريحـه كما العنبر بالأنفـاس منـشـوق
دقـه بنجـر يسمعـه كـل مشـتـاق=راعي الهوى يطـرب الى اوحاه بخفـوق
لقّـم بدلـةٍ مولّــعة كـنها ســــاق =مصـبوبةٍ مربـوبـةٍ تـقـل غـرنـوق
خـله تفوح وراعي الكـيف يشـــتاق=الى طفح جوهر صح له ذوق
اصفر قموره كالزمرد بالاشعاق =وكباره الطافح كما صافي الموق
زله على وضحى بها خمسة ارناق = هـيلٍ ومـسـمارٍ بالاسـباب مسـحــوق
مع زعفران والشمطـري الى انسـاق=والعنبر الغالي على الطـاق مطبـوق
فاليا اجتمـع هــذا وهــذا بتيـفـاق=فصبه كفيت العوق عن كل مخلـوق
بفنجال صين زاهي عنـه الارمـاق=يغضـى وكرسيـه غـدان لمعشـوق
راعيـه كنـه شـارب ريـق تريـاق=كاس الطروب وسرور من ذاق له ذوق
عبـث يعيـل بحبـة منـه مـامـاق=وهو يضاهي باهـي البـدر بعشـوق
في وجنتيه الـى غنـج بـارق حـاق=عجل رفيفه بالطهـا الغـرق بطبـوق
سحر كتب من حبـر عينيـه بـوراق=خديـه صاديـن ونونيـن مـن فـوق
كن العـرق بوجنته حـص ارنـاق=نثر علـى صفحـات بلـورة الشـوق
الا تبسـم شـع واشــرق بـالآفـاق=نور يفـوق البـدر سحـار منطـوق
وبالعنق كن المسـك والـخد بـراق=مامشخص في صدري الشاخ مدفـوق
تمشي برفـق خوفهـا مدمـج السـاق=يفصم حجول هزه الثقـل مـن فـوق
الا صفت لك ساعـة وانـت مشتـاق=فأقطف زهر ملاق والعمـر ملحـوق
فالى حضـر ماقلـت عنـدي الأرزاق=بيـدي كريـم كافـل كـل مخـلـوق
هـذا وصلـوا عنـد مانـاض بـراق=او ماشكى الفرقـى شفيـق لمشفـوق
علـى النبـي مـازج زاج بـالاوراق=وآله وصحبـه عـد ماسيـق مسيـوق