ســــــــــــلامًٍ أقــوله على كل سيره=هـو خير ماأبدا والهجــوس ابتدتبه
وأهلاً هلا بكل الحضـــــور الغـفيره=ترحـيبةٍ مـن خـــــــــافقي وارتقتبه
يامــــــــــــرحبا بالكل تأتي ثريــره=مـــافيه حــــاضر عندنا ألا احتفتبه
يامـــــرحبا بأهل الــوجيه السفيره=في حفـــل زيزومٍ افعــــــوله علتبه
في ديرةٍ ماهيب أيــــــــــات ديــره=دار ابن زايد مهـــرةٍ مـــــا احثلتبه
شيــــــــخٍ روابعه العــظيمه تديره=أسس قـــــــواعـــدها بفكره ورتبه
الله يحفظه فالعـــــــلن والسـريـره=شيــــــــــخٍ مزاياه الفريدة حــكتبه
مـــــــانيب محصيها مزاياً كبيــره=في ذكرها مـــــــــافيه قــافٍ وفتبه
وأعود يم الفكرة المســــــــتنيــره=هي مسند التفكير مــــــــــاحـدرتبه
الله ياليــــــــــــــلٍ انجومه كثيــره=مـافيه دربٍ تفــرعه مــــــا ضوتبه
تسطع فــرح وأنوارها مستديــره=في كل وجه تشـــوف ما شعشعتبه
شافن اثنين أقمار وقت الظهيــره=وعقب الغـــروب أنوارهـا عجـلتبه
لو جن ما شافن طلبهن خـطيــره=تطفي لهب نـــــــورٍ علينا أنـورتبه
ماشعشن ألا لحفــــــــــلة كبيــره=لحفلة هل العــــادات جـت واهتنتبه
تذكر وهـجها كل عــينٍ بصيـــره=حتى العمى يسمع صدى ما سرتبه
ليلة فرح وسط الليـــال الغــزيره=والله يديم أفــــــــــــراح ليلٍ نشتبه
مبـــــــــــروك للي كلنا نستشيره=مبــــــروك مع تقديرنا اللي رستبه
مبروك لمحمـــد عداد الجــــزيره=وأقولها لسعـــــــــــود لين اعتنتبه
مشاعرٍ مـــــــاهيب والله صغيره=من قلب ماهي بزين صـوتٍ وكتبه
وختامها صــــــــــلاة ربٍ وفيره=على رســــــــــولٍ كل خلقه درتبه

الله من قلبن عبر هاك الطريق الجرهدي=طال الطريق الجرهدي ولا وصلت نهايته
سرى مع الدرب الصحيح وكل ليله سرمدي=وبان النهار ولاوصل قلبي مناه وغايته
احيان دوبي بالمشي واحيان اهرول واعدي=أجدد اعزومي مادام إن النوايا بايته
فالدرب أسلي خافقي بالصوت لاجيت أقصدي=وأحيان أسولف بالعقل مع خافقي وحكايته
ومنهو عرف دربي ترى عارف وشنهو مقصدي=مادام في دربي وصوف البعد ماهي فايته
درب الهوى يومي مشيته ماهنيت ابمرقدي=بأسباب غرون حط قلبي شارت ٍ لرمايته

لاوالله الا شيب العين شوفك=شيب رموش العين طلة محياك
في ذمتي بالعون كامل وصوفك=ولاظنتي موجود زينك وحلياك
عينك كما اللي لاكفخ مايعوفك=الحر الاشقر نظرته مثل عيناك
والخشم سيف ٍ يالمعاين يحوفك=والخد برق ٍ ساطع ٍ من محياك
والشفه اللي شرها مايطوفك=ياشرنا لاشفت ضحكة ثناياك
والحاجب هلال ٍ بدا من صنوفك=سبحان ربن كملك في مزاياك

المشاركة الأصلية كتبت بواسطة كاسبها المقاطي (المشاركة 610845) يعطيك العافيك اخوي طارق ومشكور وماقصرت وبيض الله وجهك

المشاركة الأصلية كتبت بواسطة أبو مناسيب (المشاركة 610851) الاخ طارق النفيعي الله يبيض وجهك والله مدري كيف اجازيك على كل هالمجهود الطيب الغير مستغرب من شرواك تحيااااااااااااااااااااااااااااااااااااااااااتي

ابدا بذكر الخالق اللي مالكن ما فالوجود=باسط سبع رافع سبع الواحد الرب الغفور
من بعدها ياهاجسي اسبح بحر وابذل جهود=والبحر عومه واضربه خلك كما السيل الحدور
انقا جزل واترك هزل ونسى تحدر وارقى سنود=واتعب على شان الدرر في وسط غبات البحور
وإن كان ماجبت الذي دايم على بالي ترود=قلنا بلاش من الشعر والهاجس اللي فالصدور
الشعر ورثن للجدود وعشت ياورث الجدود=دام انت لفنون العرب مقصد ومرسى ماتبور
لكن جاه اللي بلاه وصار لايمكن يزود=نقصه ترى بأسبابهم دايم على طول الشهور
ناس(ن) تحسب اصياغته هرج(ن) سهل من دون فود=ولادروا إنه درر ماحافها ناقص شعور
وألا مع اللي مثلك وشرواك نلقاله ورود=وإليا بغى الفزعه عليهم فأنت من ضمن الحضور
ياليت تقييمه يجي من شايب(ن) عنده سدود=مؤمن وعادل مايعرف الميل رجال(ن) وقور
حتى تحط الناس بين الهزل والجزله حدود=واللي يجيب الجزل تلقى بصمته ضمن السطور
وراع الهزيل اللي كثر ماعاد نلقاله وجود=وإن كان يبغى الجزل يسمع من طويلين الشبور

مافيه شي يهمني وقت الوسوم وحلها=ألا علوم الغيث وعلوم الحيا اللي تقتفيه
ولافيه شي(ن) يشرح الخطر ويبعد غلها=مثل التمشي فالمروج الخضر واللي تحتويه
من عقب مزن(ن) سيلت من حين ربي هلها=على الديار اللي قليبي من هواها تكتويه
اللي ولدت ابها ولا يمكن بيوم أملها=دار(ن) فريدة وصف ماتلقى لها دار(ن) شبيه
ويزيد حب الدار عندي فالمطر وأفلها=في مجلس(ن) من حوله الغدران ورجال تبيه
منظر طبيعي تعشقه كل الخلايق كلها=أشم فيه أنقى هوى ولايلام اللي يجيه
هذا طراة العمر وأهل العرف هذا دلها=واللي هذا ماهو هواه يعيش بالدنيا سفيه
ولابه خبر يجلب حشود المعرفه وأهل(ن) لها=ألا خبر شفاك يامطيلق وجيت أقول فيه
لعل ماصابك يخفف من ذنوبك جلها=والمقبل من أيامنا ثوب العوافي تكتسيه
سلامتك يابن الرجال اللي هذا محلها=والله عن اصدوف الزمن ياقا مثيلك ويحميه