ناصر لاهنت لاهنت

تواجدك اكبر فخر لي ولاخوي الفالح

التحدي بارك الله فيك

نورت المتصفح

ابو مرحبا

هلاااااا ومرحبا

شرفت يالغالي

صح لسانك يالجذع
صح لسانك يالفالح
متابع

صح بدنك يالنايف العالي
وشرفت

سلطان الجذع /

مرحبا ترحيبه يشهد لها الموجود كلـه
تجمع الابداع والقوه وشئ من الجزالـه
واحد ماهو ب.. مروي حد سيفه لايسله
هذي رساله لابن ثعلي ووصلت الرساله


الفالح /

البقا يا شاعـرٍ دايـم علـى مذهـب وملـه
من هجوس الشاعر اللي طيب فعله راس ماله
العرب شافوا لهـم مزنـه عليكـم مستهلـه
والخريف اليا رعد هل الصواقع مـن خيالـه

سلطان الجذع /

فاح صدري من هواجيس المعاني فوح دله
لاتقول انك زميلي ماعلى الموقف زمالـه
ماشربنا الا رهى يوم انت حلقـك ماتبلـه
يبرق البارق جنوب الدار وانته في شماله

الفالح /

ما يصح الا الصحيح اللي توثقه الادله
ساحة الميدان يا سلطان ميزان العداله
يالجذع موضوعكم قلّي عنه دقّه وجله
الاجابه هاتها صاحبك وجّه لك سواله


سلطان الجذع /

يالعضياني ليا طارت عن الخيل الاجلـه
كم وكم من فارس فالمعركه يغدي حلاله
شئ مالك فيه صالح ياطويل العمر خله
الاجابه/تترك الموضوع وتجنب مجالـه

الفالح /

المعادي يالجـذع نفقـع عيونـه بالاخلـه
فعل اهل عمهوج غنّا فيه حتى ابن طوالـه
انت ابن عمّي ويوم انشدك علمي في محله
وان كنيت العلم ابا اترك صاحبي وانشد بداله

سلطان الجذع /

مجد ااهل عمهوج يعرف ..كل رجل شاهدن له
وانته مالك فضل فالحاصل ولاانته من رجالـه
لغزنا محلول وانتـه متعـب افكـارك لحلـه
اثر مايعمي عيون الاجـودي غيـر الجهالـه

الفالح /

الطريق اللي يوصلك الحقايق ما تدلّه
فعلنا وامجادنا نفخر بها في كل حاله
مالها غير الطبيب اللي يداوي كل عله
غيّر اللوحه بلوحه غير يا راع البقاله

سلطان الجذع /

الفعايل لاهلها والا انت صوره في مجلـه
كم وكم عود جسور وتخلف ظنونه عيالـه
كان ماتبغى رفاقتك القريٌـب فيـك خلـه
رح عساها يابن ثعلي روحة مقيط و حباله

..

الله الله الله ..

شعااااااااااااااار كباااااااااااااااار والكبير الله ..

صحة السنتكم ...

واصلوا واصلوا والصفووف دبل

!!!!!!!!!!!!!!!!!!!!!!!!!!!!!

ابداااااااااااااااااااااااااااااع بلا حدود الله لايهينكم



بس وين اللي يعرف يجمعها ياليتني اعرف

المعـادي يالجـذع نفقـع عيونـه بالاخلـه
فعل اهل عمهوج غنّا فيه حتى ابـن طوالـه
انت ابن عمّي ويوم انشدك علمي في محلـه
وان كنيت العلم ابا اترك صاحبي وانشد بداله


ما غدالي شي يذكـر والثنـا والشكـر لله
مار يمكن قالها سلطان ساعة ضاق بالـه
غير قسمك وش تبا في قسم غيرك تستحله
يا عتيبه يا عتيبه لا يجـي فيكـم نذالـه




الاخ الشاعر الفالح بيوت من الطراز النادر
صح لسانك مليون
وصح لسان شاعر المنتدى او اسطورة المنتدى سلطان الجذع
ابو عبدالله جزاله منك لا تستغرب بس انت ماجاوبت الرجال على سؤاله
هههههههه
صحت السنتكم محاوره جزله

اشكر اخي وزميلي الشاعر الكبير سلطان الجذع وبيض الله وجهه



والشكر موصول لجميع الاخوان اللذين اتحفونا بمرورهم واطرائهم




اخوكم الفالح

شعراء اكبر بكثير من تسجيل الاعجاب
قرات هذه المحاوره ثلاث مرات فيها من الابداع الكثير
اعذب التحايا