|
اتمنى لو صدق الخبر .. وسواء صدق الخبر ام لا .. ما راح اصوت ليوسف .. احتجاجا على اللجنه الظالمه .. وعلى فكره هذا منطوق كثير من جماهير يوسف .. بس ياليت يكون في الموضوع فصل .. انسحاب او لا .. فحرام تروح اصوات جمهوره هدر وهو منسحب !
|
قرار سليم ان ينسحب الشاعر يوسف العصيمي
رغم انني ضد انسحابه من البرنامج بسبب انه يمثل القبيلة ولانسحاب يخص القبيلة |
قراره سليم
هم بس يبغون يكسبون من المصوتين ليوسف ويوسف هو يعرف هاشي وماله امل حتى لو صوتنا واعطيناه 50% تكون نتيجته 72% ستكون اقل نسبه بالنسبه للشعراء المنافسين لأن معهم اصلا 48% لكني اعجبني اقتراح احد الاخوة باقامة تكريم ليوسف تحيتي........ |
بيـــــــــــــــــــض اللـــــــــــــــــــــــــه وجــــهـــــــــه
قــــرار سلــــــــــــــــــــــــــــــيم |
الحين يالربع انا ورىماتردون علي لاحوووووووووووووووووووووووول
|
|
هذا وسم عتيبه في خد اللجنة ما ينسى ابد
|
يوسف العصيمي ... أسمه حفر في شاعر المليون .. مهما حدث من اللجنه . |
من جد اظلموا يوسف العصيمي في النسبه واكان يستاهل اكثر من ذلك حتى كنت جالس مع ربعي واتفقوا على ان مظلوم
اما تركي المريخي مايحب القحاطين يمكن العتبان عنده ارحم من القحاطين من جد حتى نشب في الحبابي البارح وقبلها القصيده اللتي فيها وشوشه والقحاطين في منتداهم شانيين حمله على المريخي علشان الحبابي وياليته يعرف ينقد او يتكلك زي الناس وشاعر المليون من الاساس فاشل والسبب ان التصويت هو اللي ماخذ نسبه اكبر ومع تمنياتي ليوسف بالتوفيق دنيا واخره |
القصيده مدفونه
|
حسبنا الله على لجنة العفن
والله يايوسف انك اكبر منهم هم وبرنامجهم وبيض الله وجهك اما لجنة العفن حرام يطلق عليهم اسم شعراء فما بالك مسوين نفسهم نقاد! مودتي |
يوسف انسحب ولا لا ردووو علانا
|
يوسف أكبر منهم هذي مسرحية هزيله وبايخه
|
السلام عليكم و رحمة الله وبركاته ...
ما حدث مهزله كبيره و مفضوحه ، و اجحاف كبير في حق الشاعر يوسف العصيمي ......... اتساءل .. هل يوسف الوحيد الذي تجاوز في القاء قصيدته اكثر من بيتين ؟ ما هذه العنصريه الواضحه ....... شاعر المليون (متذوق) هو يوسف العصيمي .. وخلوا المليون لهم .. لا بارك الله فيهم والله غبنه ... |
يا عتيبه ياعيال ابوي
يوسف لازم ينسحب لانه مستحيل يفوز....هالحين 50% حقت التصويت مو لك واحد لا لا يجمعون عدد الرسائل لجميع المتسابقين ويقسمونها على عدد رسائل المتسابق يعني اذ1 حطينا للقدامنا واللي ورانا راح نجيب 40% والباقين تركي 15% والاماراتي10% والعازمي10% والشمري10% والمري15% 40+22=62 يوسف 15+48=63 تركي 15+48=63 المري 10+47=57العازمي بس ذ1 مستحيل يصير في وجهت نظري وانتم شرايكم؟ |
يارياجيل من اليوم أتصل على الشاعر يوسف العتيبي لكن رقم جواله مشغول اللي يعرف رقم ثاني يعلمنا هو خلاااااااااااااااااااااص أنسحب ولا لا |
عوده يوسف الى البرنامج
[بعد الاتصال مع يوسف الساعه الرابعه صباحاو الاتصال مع والد يوسف نفى انسحاب يوسف من البرنامج وعلى اساس طلب بقاه في البرنامج من قبل السيد المزروعي والاستمرار واثنى على القصيده وان القصيده جميله جدا وجزله لكن هذا راي اللجنه والكل عاجز عن رد الجميل الى الهيلا عصابه الراس اهل المواقف الصعبه وراح نستمر بالتصويت والباقي على رب العالمين (واذا كان الناقد حاقد فكيف الجواب[/size])
[size=7]وحسبنا الله على اللجنه الظالمه[/size] ابوطلال العصيمي العراق |
اقتباس:
صادق ياخوي تصدق توني أفهمها أحسب كل واحد له 50% وبعدين يجمعونها كلن وخمسينه لاكن من كلامك هذا الي بيصير لأن اللجنة ملكت 50% والجماهير بوجه عام 50% زي اللجنة ........ |
والله انك يالعصيمي وليدة
ونسحابك هز ساحت المليون مثل زلزال سونامي الظلم بين وكلن يشوفه ولا يبون لعتيبه صية في البرنامج ويمكن وراء هذا راس كبير والله اعلم اجل من النزاهه يعطا الميزاني والحبابي اعلى من يوسف؟؟؟؟؟؟؟؟؟؟!!!!!!!!!!!!!! لجنة والعياذ بالله منافقه تتبع المصالح ليس عندة حل او ربط وهذا يا عتابه تراة سياسة البرنامج الراسمالي وحنا اهل الشعر يحضر بحضورنا ويغيب بغيابنا ونسحاب يوسف تراة اكبر من المليون حنا عتابه ما عشنا على اللحايس انا شيمه وكرامه وشعارنا الثلاثه يستاهلون من يكرمهم |
لازم ينسحب يوسف ويعلن انسحابه ولازم يثبت على موقفه ولا يستجيب لمطالبهم يا إن اللجنة التعبانة تعدل النتيجة أو ينسحب الله لا يبارك في اللجنة الظالمة وبعدين مين هذا المزروعي عشان يترجى يوسف ويبي يرجعه والله إنه ماهوب بمرجع يوسف لعيونه ولا عيون ربعه والله ما رجعه إلا عشان الفلوس والله ما هم شايلين إلا هم التصويت وكيف يكسبون من ورى الهيلا لأنهم عارفين نخوتهم وانسحاب يوسف خسار كبيرة للبرنامج وأنا أقول يا يوسف انسحب انسحب انسحب ولا ترجع حتى تتعدل درجتك لأن انسحباك ستبقى وصمة عار في جبين اللجنة الظالمة وبتكويهم كية ما ينسونها طوال حياتهم قرار الانسحاب 100 % سليم وبوقته |
يا ابو طلال اذا كان بالامكان توصل الى يوسف انه يبقى على موقفه هذا اشرف له من البقاء
|
|
رساله وصلتني من موظفي ارامكو السعوديه -------------------------------------------------------------------------------- تضامن مع الشاعر / يوسف العتيبي ..... فاحب اقترح الي ابناء قبيلة عتيبه في نجد والحجاز والجزيره العربيه باكملها ان يتم التواصل مع الشاعر يوسف العتيبي وطلب الانسحاب من المسابقه الفاشله في تقيمها وقدرات اعضاءها الضعيفه بانصاف الشاعر وسلب حقه واعطائه لغيره من الشعراء الاقل منه كفائه. ويتم فتح حساب باسمه او اسم اي قريب له او امير من امراء شمل عتيبه وايداع قيمه الرساله مباشره في الحساب بدلا ان تذهب الي حساب اهل القناه الفاشله في تقييمها وتذهب اموالنا للشعراء الاقل منه كفاءه . تصويت اللجنه الطالمه + رسالنا = لان ينجح 20% . فتح حساب خاص له + ايداع قيمة الرسائل= شاعرالمليار الرجو الاهتمام في الموضوع وهو فكرة لمجموعه كبيره شباب عتيبه ترا يوسف امس نخاكم لاتخلونه يوسف ضيف من العراق عليكم وش مقدمين له وشكرا |
السلام عليكم ورحمة الله وبركاته
بيض الله وجهك يايوسف وماقصرت بيضت وجيهنا ياذيبان وابرك مافي هالبرنامج انه عرفنا على شعاار مثلك وشرواك بالنسبه للاثنين وعشرين بالميه توقعت اخس من كذا من لجنه حاقده ومشكورين للقائيمين على هالمنتدى الرائع |
|
في استدراك مُعلن وعلى حيثية خروج شاعرين صنفوا بالافضل,أرادت اللجنه التصحيح فوقعت بالمحظور وأعلنتها صريحه الكلمة لنا ولاعزاء للمصوتين...
اثنين وعشرين درجه من خمسين هي ادانة للجنه قبل ان تكون تقييم حقيقي لمستوى العتيبي, ابسط معايير التقويم تفترض ان مادون الخمسين بالمئه غير مؤهل لتجاوز المرحله ومانعلمه ان اللجنه اجازت العتيبي ابتداءا دون الحاجه للجمهور وهي بذاك تثبت ان لديه شيء -شعرا- ومادون نصف العلامه تقرير ضمني انه لايجيد سبك قصيده!!! اعلم يقينا ان يوسف لايرتقي لبعض المشاركين -شعراً وشعراً فقط!!!- ولكن هذا الامر لايسوغ للجنه هذا التقييم (الادانه)!! لكل ماسبق نريد تبريرا منطقياً لهكذا تقييم...هل هي دعوه صريحه :يوسف انتهت المهمه!!, اما هي اعلان مبكر ان الـ50% للجنتنا الموقره هي الفيصل!!؟ دون الخوض بأي قصيده للمشاركين مايسترعي الانتباه لديك موهبه غير الشعر!!انت محظوظ والاكف تصفق.. ومادون الشمع والدمع لاتعليق بكرنفالات المديح الممجوج في غير المكان والزمان !!! *عضو اللجنه(سميّ ولد عمه) قليلاً من الحشمه يااأخ الكاميرا تصيد!!! *(المترهل) يا اعدل الناس الا في معاملتي***فيك الخصام وانت الخصم والحكم !!! *(الرادار المضروب) صدق الحكايه!! * (ولد عم فجر) ياشين البراءه بعيونك الـ(...)!! *ابو هذال انت الاروع |
اتمنى نتخذ قرار هنا علشان كل واحد يبلغ الثاني من هذا الموقع لقبيلتنا : هل نرشح او لا نرشح؟ هل سيشارك يوسف او يعلن انسحابه.؟ نريد قرار نهائي في هذا الموضوع يالربع. ترى الدم يغلي. |
تكفون خلووه ينسحب
|
ياجماعة الخير ترى يوسف ما إنسحب فتكفون يا عصابة رأسي لا تخلونة
|
لا تخلون التصويت أبيكم تقهرون اللجنة وأميرها
|
اتحدى مليون مره السعيد والمريخي ان يصلوا لمستوى هذه القصيده فانا اعرف مستواهم القصيده تتحدث عن اللجنه في مجملها وتعلن تحدي صريح من يوسف لهم صح لسانك يابن عاصم ولاهان المورقي ولاد عاصم على التنسيق ( تبي ديرةٍ ماهي على الوصف مصبوره) عدلوها |
نريييييييييييييييييييييييييد قرار يارياجيل
نصوووووووووووووووت ولا لاااااااااااااااا |
صوت ..الرجال تعزوى ..وماهي بعاداتنا نخلي اخويانا فكيف بولدنا.. والله لاحرق جوالي على التصويت واللى يصير يصير. يالربع (ربعً تعاونو ماذلو) لا تذخرووون شي..والرجال مواقف وحنا لها برقا وروووق وعتابه فووووق |
لا لا لا لتصويت يوسف ماراح يتاهل ابداً
ولابد ينسحب حتى يتبين فشل اللجنة وظلمها وتخسر المصرية ملايين راح تدخل حسابها خلو قيمة التصويت تدخل حساب يوسف حلال عليه مهيب المصرية |
ترى تعبنا...
نصوت او مانصوت!! انا بالنسبه لي مادام انه اعلن انه ماراح ينسحب..فرايح اصوت..وله مني 2000 رساله..ويمكن اكثر هو موقف واحد...يانكون او لانكون.. ويوسف ذكر قبيلته وحنا لها باذن الله. |
اقتباس:
أشم ريحتك مطيري من أسلوبك فلذلك أبتعد الله يرحم والديك ويخليك لأهلك وتراك من قبيلة محترمة وعزيزة .. فعذرا أبتعد وبالنسبة للتصويت أقولكم صوتوا وأرخوا خشم الريال وعلى مسؤليتي الكاملة .. أخوكم/فيحان فياح العضياني |
أنتم ياعتابة ياعصابة راسي أقولكم بالحرف الواحد صوتوا وعلى مسؤليتي الكاملة ولاأحد يتخاذل أبدا يوسف مكمل مشواره صوتوا صوتوا صوتوا صوتوا صوتوا صوتوا صوتوا صوتوا أخوكم/فيحان فياح العضياني |
كفووووووووووو ياعضياااني
صوووتوووو |
اللى يقول لا تصوتون خلوووه يسري في الليل...لا يقعد عندنا ولا تردون عليه
|
يا اخوان نطالب الاداراة بحذف الموضوع خلاص طلع اشاعة مفتعلة
كلنا مع يوسف والله مانخلية لين يقولون وقف التصويت بعدين مسأله الانسحاب لو فعلها ستكون غلطة العمر سيتأهل بأذن الله وارجو من اللي يعرف يوسف شخصياً ان يجهز قصيدة قوية فيها تصوير ومعاني علي بحر مغاير عن العاده ولايذكر اللجنه ولا غيرهم بسب لانه فالنهايه يجب ان نعترف بأنه لولا الله وشاعر المليون لما عرفنا يوسف وارجو انه ماينسى هذا الفضل صحبح يحصل له مضايقات زي اخر الطابور بس كان المفروض يغض الطرف انت تمثل قبيله عتيبة نريد قصائدك ابداع شعري وليس سب امام الملا والله ثم والله انك مبدع وشاعر سيكون لك مكانك مستقبلاً الله يوفقك ومانرتاح لين تاخذ المليون. اخوكم ماجد الروقي |
| الساعة الآن »08:09 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd