عسى الداب الحمر فوق الظهر يغرزبك النيبان = على شانك تريّح والعرب تحفظ حسانيها
يدينك قاصره منته بواصل فارس الفرسان = انا من لابة ٍ يقمح ولا يفلح معاديها

المشاركة الأصلية كتبت بواسطة اللطّــام اسسسسسسسسسسسستلم يالمطــــــــــارى واسمــــــح لنــــــــا على التاخـــــــــير تعــــــــرف شــــــددنا العرب وروينـــــــــــــــا الوايـــت :) عسى الداب الحمر فوق الظهر يغرزبك النيبان = على شانك تريّح والعرب تحفظ حسانيها يدينك قاصره منته بواصل فارس الفرسان = انا من لابة ٍ يقمح ولا يفلح معاديها

تحب الكعكبه لكن انا مادوّر العريان = ولا حب الرجال اللي قصيرات (ن) خطاويها
وشنهم ربعك اللي تفتخر فيهم مع العربان = على شان العلوم اتبين والمدحه للراعيها

اكلت المقلب اللي ياكلونه مثلك العميان = اثر بعض العرب من وين ماتبغا تمشيها
بعدها ليه تخفي لابتك يالشاعر الفنان = انا مادري وش ابها يوم قدامي تخفيها

عماة القلب هي اكبر مصيبه تنكب الانسان = علامك يالعماوي قمت تخطفها وتخطيها
مادمك جاحد (ن)ربعك وضح قدامنا البرهان= ترى حنّا نعرف الناس عاليها وواطيها

ترى حنا عرب ولنا الفخر بقراءة القران = ولا نزعل ليامنا سمعنا الشخص يتليها
تقبل منّي التقدير مهما كان مهما كان = على شانك تحملها وتاخذها وتعطيها

...
.

اللطام شاعر بارع وخلوووق..
ونعتب عليه بقلت تواصله .. لكنّه اذا حضر ابدع ..

الطوفان شاعر متمكن .... اثبت لنا اننا محضوضين بوجود
شاعر بحجمه من بيننا .. لما يتميّز به من قوّة في المعنى والانتقاء
للالفاظ الذربه البعيده عن الاساءه المكشوفه للاخرين ...
اخواني سعيد للغايه ... لتواجدي واستفادتي من هذا المتصفح ..
دمتوا على الخير والوفاء دائماً.