موت الحريري من الحبه خلـق قبه = والامر غامض ولا يعرف من اغتاله
وميلس يحقق عن الاسبـاب والسبه = والمتهم ينفي التهمه فـــــــــــي اقواله
ومقتل عرفات ماش احـــــدٍِ يطالبه = وشارون رأس الكفر بالسم قـــــــتاله
والشرق الاوسط كلٍ قام يتــــلاعبه = شطرنج لابلير وبوش الابن وامثــاله
وبوش يتوعد زعيم الشــــــام وينبه = بعد فشل بالعراق وخــــــــابت اماله
وشيراك تو المواكب جت تــــواكبه = وكليب لندن من زمرة بـــوش واذياله
الكل منهم خبيث وعاصيــــــــاً ربه = والكفر من ملةٍ وحده وختـــــــــــــاله
والبوش يقرع طبول الحرب ويشبه = بارض العراقين والافغان واجبـــــاله
والـجـولـه الـثـالـثـه بـالـشـام لاطـبـه= وان طب فيها واجه حتفه وزلـــــزاله
وشـارون بـالـقـدس من تـبه الـى تبه = وجيرانه اللي جواره ماحـــــــد يقواله
والبيت الاسود عطاه السيف يضربه= وزكاه بوش الابن ويشيد بافعــــــــاله
يـقـول رجـل الـسـلام ولاحـدٍ يـسـبـه =دنس فلسطين وارض القدس بانعــاله
ومـن طـق شـارون طـقـيـته بمرزبه= وحطيت راسي براسه واتعـــــــدواله

والشرق الاوسط كلٍ قـام يتلاعبـه=شطرنج لابلير وبوش الابن وامثالـه
وبوش يتوعد زعيـم الشـام وينبـه=بعد فشل بالعـراق وخابـت امالـه

حوكم صدام واركانه بالحكم العرفي السايــــد =باوامر سادة اهل البيت الاسود بوش واعوانه
صدام وسبعه من اعضا الحكم في عهده البايد=اليوم يحاكمون الريس السابق مع اركـــــانـه
الشيء المضحك المبكي ما شاهدناه للقــــايد =بين الجلاد والقاضي من زنـــــزانه بزنزانـه
بعد ما كان ريــس للـعــراق ومرهب وكـــايد =اليوم مكبل ومنهان من ضـــربات عـــدوانه
فتره يساق للتحقيق وفتره للسجـــن عــــــــايد =بايادي زمرة المحتل عــــلاوي وعــــــمانه
ما سويته بقاسم يا الزعيم الاوحــد الــرايــــد =جرالك ما جراله بالعـــراق امـــام ســـكـانه
قردك الله وصرت اضحية الصياد والصـايــد =عليك الجعفري يضحك وعلاوي وصدقـانه
تخلوا عنك خلانك واللي مــا خــانــك امحايــد =صديقٍ لك في الظاهر والباطن كله اخيــانه
ذنوبك ما ينظفها البحر والمــاء مــع الــتــايـد =من جرم كنت غارق فيه ما تنظف من ادرانه
مفروض المحكمه تضيف مع طقمك طقم زايد = بيان وزمرته والجعفري مع ليث واخوانه
خدام بريمر ورايس وبوش الســيــد الــقــــايد = ولص البنك ملعون الثوى سراق جيرانه

في حياتي ما اشـتكاني سارح ولا ضــــاوي = ولا أخـبـر الـلي قـد شـكـانـي قـط يـا عـبـاد لــــــه
مـااخـتـل الـغـافـل ولاني للمشاكل هـــــــاوي = اسـتــرعـيوب الرفيق الى اكــتـشـفـت العلـــــــــــــه
وتـوجـاني عـلم صادق من لسـان الـــــراوي = قـلــت عـلـمك صـح والامـــــن لسانك زلـــــــــــــه
قـال عـلـمي صح وارده عن ابن الشاوي = يــذكر انـك مـخـطـياً عــــلـى ولـدعـم لـــــــــــــــــه
قـلـت يـثـبت مـا دعى به لايـصيرمـــراوي = عـــنـد بـاب المحكمة يـمـــثل واناخـصم لـــــــــــــه
لايـهـمك يـابـوهـاشـم نـبـح كـل اضــــراوي = مـن بغــانـي يـعـزم ويقــدم وانا مضح لـــــــــــــــه
اهـجـدي لا تـغـلـطـي يـا شـلـة الغرباوي = مـالـكــم عـلي مـدخـل يــاغــواة الـشــلــــــــــــــــــه
شـلـة مـا بــيـن مـعـتوه ومـريــــــض واوي = كــل مــنـهـم مـكـوةِِ لـلـثـــانــي وذيـلـلـــــــــــــــــه
مـا ألـتـفـت لـلـشـلـة الـلـي صفـّها مـــتـهـاوي = الـشـلــــل بـصـفـوفـهـا وعـقـولـهـا منشلــــــــــــــه
شـلـة تجمعت مع بـشـكـة الـهـكـــــراوي = كـــل مــنـهــم عــنــدنـاســوابـقـــه وأسـجـلــــــــــه
رفـقـة الاًرعـن والاًحـمـق شـكلها متســاوي = والــطــبــيـعـة والـتــطـــبــع مــاتـغــيـــــــــــــرلـله
بـعـضـهـم لـو ابـتـسـم لـك قـلـبـي ومــراوي = والــمـنـافـق جـعـل رب الـكـون مـا يمهـــلــــــــــــه
لـونـبـح سـلـوقـي ولـوقـي وكلـب أضــراوي= الـــنـبـح لـلـكـلـب عـاده دايـم وطـبـع لــــــــــــــــــه
وامـا انـا مـانـي بـلا جـاهل ولانـي غـــاوي = والــسـواقـط والكـلام الــشـيـن مـانـنـزلــــــــــــــــه
ما أقذف الغافل سوات الجاهل الزنقاوي = مــا ستر خلة ربوعه يوم شــاف الخلـــــــــــــــــه
افـصـح وضح عـلـومـه يـوم جـانا ضـــاوي = بـــالـديـــار الاردنـيـة مـاني بـنـاسـلـــــــــــــــــــه
كـان ابو وجهين دايم لـلـمـشـاكل هاوي = يبحث عن اهل المشاكل في محيط الحلــــــــــــــه
مـا تـزعـزعـني هـروج الـشاوي بن الشاوي = يـرتـعـدلاشـافـنـي وتـبـيـن فـيـه الـذلــــــــــــــــــــه
وان تـعـرضـني كويت المـعتـرض بالـكاوي = والـرفـيـق الـمـلـتوي خـلـه يـمـوت بـغـلـــــــــــــــه
قـبـل أخـمـه خـمـة الـلـي لاسـطـى مـايـــاوي = ان هـجـد وألا نــبـي نحـفـرلـه ونـدفن لـــــــــــــــه
لايــورط نـفـسه بـشـئ مـا هـو لـه قــــــاوي = وان تـمـادى بـالــجــمــه وأعـلـمــه وادلـــــــــــــــه
يـا عـديـلـه عـلـمـه واقـرأ عـلـى الضرطاوي = عـلـم الـمـغـرور لايـغـلـط عـلــــيّ وقـلــــــــــــــــه
يـلعـن ابـلـيـس الـلـعـيـن ولايـطـيـع الـغــاوي = ويــعـلـم إن الله لايــهـمــــل ولا يـمـهـــــلـــــــــــــه
أ بعدو عــــن جــرة الـلي لأ ضرب ما ياوي = يـلـطـم الـمـخـطـي عـلـى خـده ولا يـركن لــــــــــه
لـيت بعض الـناس يـجـلـس مع عجوزه ثاوي = يـحـبـس لـسـانـه ويـسـلم مـــــن غـثاء خلــق الـلـــه
يـحـفـظ الـقـراَن ويـتـابـع مـع الـقـرضــــاوي = ويـتـهــجـد بـالـمـسـاجـد طـول لـيـلـه كــــــلــــــــــه
وامـا أنـا مـا أرافـق الأحـمـق وكـل مـنــاوي = لـوتـقـرب لـيّ ونـادانــي عـلـى الــتــعـــلـــلـــــــــــه
انـفـرادي مـع كـتـابـي وحـدي ووحـــداوي = عـنـدي أفـضــل مـن مـرافـق شـلــةٍ مـنـحـلــــــــــه
الـكـتـاب أحـسـن رفـيـق وتـغـذيـة لـلطـــاوي = يـشـرح الـصـدر ويـفـيـد الـقـاري ونـور لـــــــــــه
لـو مـا أخـشـى مـن مـلامة روقـي و برقاوي = كـان بـيـنـت الـحـقايـق والـخـطـأ مـا أركن لـــــــــه
وأخـر أقـوالـي نــصـيحـة دور الـك مـــداوي = وهـلـل وسـبـح وتـوب وصـل فـرضـك كـلـــــــــــه

أبوفيحان ودعنا وحنا اليوم ودعنـــــــــــاه = وداع ٍيا رفيق ٍما بعد شفنـــــــــــا منه خله
وإن كان أخطا علينا مره ومرات سامحناه = ابن آدم لاّنفعل لا بد ما يبدر منــــــــه زله
غادر عصر الخميس ونزلوه بلحده ومثواه = عسى طوبى مقره والجنان الخضر دار له
بطلبة عابدك يا ربنا المعبود الا يــــــا الله = تنور قبره وتجعل مظلاتتك ظلال لــــــــه
هذا عبدك وبين يديك وأنته ربـــــه ومولاه = وأنت الخبير بأعماله وانت اللي تغفر الزله
بلطفك يا عزيز الجاه تغفر ذنبه وتحمـــــاه = وأنته معبودنا اللي ننحني له ونتوســــل له
وانت الجبار والغفارومرجع عبدك وملجاه = نوحدك ونهلل لك دوام بخشعه وذلـــــــــه
ولا غيرك لنا معبود نرجي لطفه ورجـواه = ترحم فقيدنا الغالي وأنته كفيله وظـــــــــله
هون عليه في قبره وتغفر له جميع أخـطاه = وانت الرحيم بعبادك وأنته رب البشر كله
بطلبة عابدٍ خاشع ومبدأ البسملة مبـــــــداه = ما يخشع كود للباري ولا يركع لعبــــد له
واختمها بذكر الله وأسبح له بكل اسمــــــاه = بصلاة لي وتسليمه على الخاتم رسول الله

أبوفيحان ودعنا وحنا اليوم ودعنـــــــــــاه = وداع ٍيا رفيق ٍما بعد شفنـــــــــــا منه خله
وإن كان أخطا علينا مره ومرات سامحناه = ابن آدم لاّنفعل لا بد ما يبدر منــــــــه زله
غادر عصر الخميس ونزلوه بلحده ومثواه = عسى طوبى مقره والجنان الخضر دار له
بطلبة عابدك يا ربنا المعبود الا يــــــا الله = تنور قبره وتجعل مظلاتتك ظلال لــــــــه
هذا عبدك وبين يديك وأنته ربـــــه ومولاه = وأنت الخبير بأعماله وانت اللي تغفر الزله
بلطفك يا عزيز الجاه تغفر ذنبه وتحمـــــاه = وأنته معبودنا اللي ننحني له ونتوســــل له
وانت الجبار والغفارومرجع عبدك وملجاه = نوحدك ونهلل لك دوام بخشعه وذلـــــــــه
ولا غيرك لنا معبود نرجي لطفه ورجـواه = ترحم فقيدنا الغالي وأنته كفيله وظـــــــــله
هون عليه في قبره وتغفر له جميع أخـطاه = وانت الرحيم بعبادك وأنته رب البشر كله
بطلبة عابدٍ خاشع ومبدأ البسملة مبـــــــداه = ما يخشع كود للباري ولا يركع لعبــــد له
واختمها بذكر الله وأسبح له بكل اسمــــــاه = بصلاة لي وتسليمه على الخاتم رسول الله

ليتني ما جيت للفيصليه يـــــــــــــا طلال = ولا لمحت اللي فتني من اول نظرتــــــــــي
التقينا مع غريب التهايا والــــــــــــــدلال = تحت برج العاصمه جيته مع جيتــــــــــــي
ما ربى في منطقتنا ولا مثله مثـــــــــــال = قلت هاذي منوتي يا طلال وغايتـــــــــــــي
مر امامي وانحرف قلت يا عنق الغــزال = وقف اعطيك التحيه ورد تحيتـــــــــــــــــي
وارتبكت وصابني سهم عينه يوم مــــال = وتهت عن دربي وكدت افتقد عقليتـــــــــي
وانبهرت وشدني حسن باهرة الجمـــــال = ما بقى الا تأخذ عقالي وطاقيتـــــــــــــــــي
وصابني ما صابني والاصابه ما تـــزال = في معاليق الفؤاد ومظاهر هيتـــــــــــــــي
بوعيونا ً رمشها فوق خده له ظـــــــلال = تحتها موطن حياتي وموقع جنتـــــــــــــــي
الحواجب خطها مثل تقويس الهـــــــلال = من يشاهد رؤيته ما يكذب رؤيتـــــــــــــــي
التقينا والتحدث معه ما له مجــــــــــــال = وصرت اغض الطرف واخجل واقصر خطوتـي
وانتظرته ينطق بقول رح والا تعــــــال = ولا اسطعت ابوح للحلو عن سريتـــــــــــي
قلت يام المخملي ودي اطرحلك ســؤال = انتي من ايا بلد علميني وانصتــــــــــــــــي
قالت انته من يا اللي عن امثالي تســـأل = ودي اعرف كنيتك قبل تعرف كنيتـــــــــي
قلت انا اصلي يعربي حر ما فيها جدال = حــر فــي تـفكيري وحر في حريتـــــــــــي
قالت من أي العرب والقبايل يا حــــلال = ودي اعرف عزوتك واخبرك عن عزوتــــــــــي
قلت انا اصلي من هوازن مروية السلال = ويظهر انا كلنا من جذوع الشجرتــــــــــــي
قالت انا يا رجل من عرب بني هــــلال = والجزائر موطن اجدادي وعرقيتـــــــــــــي
قلت وش جابك هنا فالصحاري و الرمال= قالت هاذيه بلادي وهاذي ديرتـــــــــــــــي
نجد هي ديرة هلي يوم للخيل اجتـــوال = وجبله تشهد لمنطوقي ومقولتـــــــــــــــــي
ذي ديار اسلافنا يوم لقوات النــــــزال = نجد مركز كعب وكلاب وعامر عصبتـــي
تشهد الهضبه وشعب جبله يوم القتــال = والزعيم الاحوص القايد لكل امتـــــــــــــــي
قلت وش وداك للغرب واطلس والجبال = ونصركم يوم جبله له تاريخ وقصتـــــــــــي
دون التاريخ عنكم قصص واروع مثال = واشهر ايام العرب يوم شعب الهضبتـــــــي
قالت حنا يوم جاء الفتح شدينا الرحال = اقر عن تاريخ قومي وعن تغريبتــــــــــــي
وجالنا بالفتح الاسلامي امجاد وفعــــال = وجشم معنا بالفتح لابة ابن الصمتــــــــــــــي
قلت اظن الملتقى بيننا صعب المنـــــال = كيف يام المخملي كيف احقق رغبتــــــــــــي
قالت انته صرت بين الحقيقه والخيــال = انتهى دورك وانا في بداية شبتــــــــــــــــــي
جيلك اقفى يا عزيزي من سنين اطـوال = فرق شاسع بين سنك وعامل سنتـــــــــــــــي
فرق شاسع بيني وبينكم يا ابن الحـلا ل = والصراحه بيئتك تختلف عن بيئتــــــــــــــي
ارفق بحالك قبل يستدير ابك المحــــال = شوف عينك حظ غيرك نهاية كلمتــــــــــــي
قلت اجل نظرة مودع ولا فيها جــــدال = واقتنعت وقلت هاذي نتائج عنوتـــــــــــــــي
التقينا وافترقنا وضاع الاتصــــــــــال = صدفةٍ من غير ميعاد واخر نظرتـــــــــــــي

بـوش تـوه يـعـتـرف بـأخـطـاه امـام العالم= بعظمة السانه يقول اخطيت انا واصحابي
بغزونا لاهل العراق وضرب شعب مسالم= غـشـنـي كـيـنـي وبـاول واصـدق النوابي
اثـبـت انـه مـجـرم وزنـديـق واكـبـر ظالم= واتــضـح لـلـعـالـم اجـمـع كـذبة الكـذابـي
بـوش يـحـلـم بـالـنـصـر وكليب لندن حالم= وضاع حلمه فالعراق وحلم صنوة خابـي
طـاح فـي شـعـبٍ مخيف ومـسـتـميتٍ والم= شـعـب مـايـركـع لـبوش وزمرة الاذنابي
مـا تـخـيـفـه هـيـلـمـة راع الـبـقـر لـو هالم= حـربـةٍ لـلـمـعـتـدي وسـيـوف لـلـحـرابي
بـوش مـتـورط وجـيـشـه مـايـعـود سـالــم= مـانـفـعـك بـلـيـر والـلي مع بلير محابـي
صـجــنـا بـمـكـالـمـاتـه كــل يـوم يــكـالــم= مـع بـلـيـر ورايـس ومجموعة الاقطابي
طـحـت بـالـمـسـتـنـقع وتطمع بحكم العالم = وصرت باوحال العراق وحفرة الانشابي
الـسـفـيـر الـلـي نـصـبـته زالـمـاي وزالـم= صار مختل الشعور ومرهق الاعصابي

اتضح مااتضح بلسان عبد الحليــم = قــال مـايـخـتـلـج فـي صـدره وضحه
وضح وصرح بما يعرفه من قديم = عـن رفـيـق ومـخـطـط ذبحه ومذبحه
صرح بكل ماسمعه بقصر الزعيم = ودان رسـتـم غـزاله بـالـقتل وافضحه
فـجـر الـقـنـبـله بالداخل وبالصميم = وكـل مـاكـان غـامـض بـينه واشرحه
مـن فـنـادق افرنسا حيث فيها يقيم = هاجم الحزب مع راس الهرم واجرحه
بعد ما غيبو ه وصار مثل الـيـتـيم = غـادر الـحـزب كـلـه بـعـد مـاسـرحـه
كان خدام في حزبه مثال وحكيــم = حـسـبـمـا اسمع وانا ماذمه ولا امدحه
عقب ماكان مع محافظ صديق ونديـم = يـعـتـبـر مـن اخيار الحزب والاجنحه
صار كبش الفدا في قبضة ابو شكيــم = وفــر مــن قـبـضته خـدام لايـــذبـحـه
فر من حزب مافيهم رشيد ورحيم = واغـتـيـال الحريـري فصله واشرحه
قرر المهرب بحكمه ورأيا سليــم = والـبحـر مـن يـهـوم امواجه وينطحه

اول مانبتديبـه شكرنـا للـواحـد المعـبـود=عبيـد لـه وجندلـه ولأمـر الـرب عبـادي
نصلي له ونخشع للذي بابـه ماهـو مسـدود=ومن يرجي ثوابـه يستمـع لأمـره وينقـادي
على سنة رسول الله ماهي ملة هـل التلمـود=ولانؤمن بفكـر الزندقـه وافكـار الإلحـادي
وثاني مبداي تسليمة وفاء من ماجـد العبـود=على من لمه المحفـل وجـا متعنـي وبـادي
بأول هجره لقطمان المحازم والخبـر موكـود=سنام اللي بنوها اجدادنا واحيوهـا الاحفـادي
تنفيذ لدعوة الداعي حضرنا فـي مقـر الجـود=والليله ليلـة حلـوه مثـل ليـال الاعيـادي
شفنا معظم رفاقتنا وفودٍ جـات بعـد اوفـود=وكلٍ مبتهـج ويقـول الليلـه عيـد ميـلادي
فيها تم التعارف والتقارب والحضـور أشهـود=على جمعة قبيلتنـا شبـاب وشيـب وأولادي
تهني يا سنام بعز وعـزك كـل يـوم يـزود=بلاد اهلي وربعي والخـوال وديـرة أجـدادي
وغني يا بلاد طحي واهلك لك سند واعضـود=بـلاد الاد عاصـم ذكرهـم بالطيـب يـزدادي
وتجميع الرفاقه واجب لمـن يبـذل المجهـود=وبيت العز يبنـى بالعمـد وأطنـاب واوتـادي
ترانا من جسد واحد مافينا حاسـد ومحسـود=وابونا عاصم اللي نعتزيبـه ضـد الأضـدادي
جسم واحد مافينا احمق ولا طايش ولامقـرود=تعلمنا الأدب واحنا صغـار بسـن الأوغـادي
خلوكم صف واحد واذكروا ماضيكـم المعهـود=والوحده واتحاد الصـف تلجـم كـل حسـادي
ترابطكم ووحدتكم تكيـد اهـل النكـد والكـود=برأياً واحـد موحـد وروح وقلـب وأجسـادي
عليكم بالتضامـن والاخـوه ياعيـال العـود=والخـوه والمحبـه للقبيلـه زنـد وازنـادي
ترى الدين النصيحه والنصيحه حبلهـا ممـدود=ومن لا يستمع لأهل النصائـح ضايعوغـادي
وترى شقر العصـا ياربعنـا مذمـه ومنقـود=وحنا كلنا من صلـب واحـد جمـع وأفـرادي
زماناً فات يـوم ان القبايـل طـارد ومطـرود=حامين ادياركم ماحدٍ طمـع فيهـا ولا سـادي
رجال لا زمى العايل زموا واعمـوه بالبـارود=وعود منهزم ماعـاد لـه رجعـه ومعـوادي
هل العادات والردات لاجـاء للمنـاخ اجـرود=مدفنة الركب زمـل المنـاخ ايـام الانكـادي
عرجاء تشهد لكم والحرمليه والجبـال السـود=ومعركة الرشاويه لكـم فزعـات وامجـادي
وابو هضيد واطرافه جاء للحري رعد وارعود=ويوم بالوطاه الكـم بهـا صولـه وميـرادي
وفي خشم الدغيبيس انتصرتوا والعدوا ملـدود=كسرتوا شوكته بارماحكم وسيـوف احـدادي
تواجهتوا مع اغزاته بعدما اقفوا بجـل القـود=ولحقوهـم بنـي عاصـم وردواكـل الاذوادي
باولهم راعي التومه فارسكم خيـرة الموجـود=فزع من اجل جيرانه وفك البـل مـن العـادي
أيام الجهل وايـام التخلـف والفكـر محـدود=هـذا ينهـب وذا يسلـب وذا للنـار وقـادي
وبعد ماسمعوا ان الحكم لله ثـم لابـن سعـود=لبت كـل القبأيـل للـذي بالمصمـك ينـادي
ولملم شملهم عبدالعزيـز وناصـر المضهـود=واخذ علـى القبأيـل كلهـا عهـد وتعهـادي
وحد شمل القبايل وانحنى السيد مع المسيـود=تحت رايات ابو تركـي زعيـم مالـه انـدادي
قضى على التناحر والصراع بسيفه المجـرود=ودستوره كتـاب الله وطبـق سنـة الهـادي
وانضموا ربعنا للجيش الابيض مشيخه واجنود=كـل مقـدم نفسـه لبيـع الـروح ومفـادي
بقيادة شيخهم سلطان وجمعا ينطـح البـارود=سلطان ابالعلا رايه سديـد وراعـي شـدادي
سلطان دماغ مفكر وعقـل مدبـر ومحسـود=على مأيمتلك من حكمـه ونظـرات ابعـادي
زعيم اهل سنام مع الخـوان ولاعليـه اقيـود=وقطمان المحازم درعـه الواقـي والاسنـادي
بيرقهم من ضمن بيارق عتيبه مع بن سعـود=جموعايوم حومـات الوغـى للمـوت ورادي
ضحوا بارواحهم مافكـروا بالولـد والمولـود=بالطايف والرغامه وتربـه واحتلـوا الـوادي
تحت بيرق مؤسس مملكتنا والعبـاد اشهـود=وقر الحكم لمعزي وغابت شمـس الاحقـادي
امضى من سيرته بمصارع الاعداء ثلاث اعقود=وحصل غايته وامنـاه وحقـق حلمـه وزادي
وعقب له ملوكا كلهـم علـى طريـق العـود=على طريـق والدهـم بتوجيهـات وارشـادي
واليوم نعيش باستقرار بضل الحاكم الموجـود=ماله شبيه بملوك العـرب وامثـال وانـدادي
عبدالله للبلاد اضلال وحنا لـه سنـد وازنـود=حبيب الشعب حبه في قلوب الشعـب يـزدادي
وابو خالد ولي العهد رجـال الوفـاء والجـود=وزير الجيش سلطان الهـدى حكيـم واقيـادي
بتدبيره وتفكيره واخلاصـه للوطـن مشهـود=طور قواتنا الاربـع بكـل اصنـاف الاعتـادي
لردع المعتدي من كل صوب وزمـرة الليكـود=وحنا نشترك مع جيشنا مـا ناقـف احيـادي
ونحارب زمرة الارهاب والمارق مع النمـرود=ومن تاه الطريق وضل فـي عميـاه متمـادي
حكومتنا الرشيدة حـددت للمجرميـن احـدود=لمن شذ وتمرد وانحرف مـع كـل سرمـادي
تبي تقضي على دابر جميع اهل القلوب السـود=غـوات مالهـم بصفوفنـا موقـع ومقعـادي
نحارب كل متغطرس ومن صابه غـرور وزود=وهرول مع عصاة مالها مهـرب ومشـرادي
تراى الغرور للمغرور شر الجاهـل المقـرود=يوديـه بمتاهـات ومجاهـيـل وتـمـرادي
عسى الله يصلح الغاوي ويترك شلتـه ويعـود=يعود لرشده ويصحى ويسمـع لاهلالارشـادي
وانا ماني بمكلوف بخطا راشـد ولا مرشـود=حتى لو شفت بعض الناس في ممشاه متحادي
كلامي واضح موضح ولا لي مقصد ومقصـود=افهمها يـا السميـح وانـت للشعـار نقـادي
واختم ما قلت واصلي علـى نبينـا المحمـود=علـى شفيـع الامـة كلهـا نبينـا الهـادي

يـا ربعنـا ذبـح الحيـران=وارهوا على الخيل الحليـب
نبى نطارد خيل بن سفـران=ونفرق حبيب عـن حبيـب
لعيون صيته بنت ابن سحمان=ندقل علـى جمـع الحريـب

بسم الله الرحمن الرحيم

دم العرب فاير من كرههم للزاير

هذه ابيات جادت بها قريحة ابو طلال اثناء زيارة سيد البيت الاسود بوش المبوش
قبل مايقارب ثلاثة اسابيع لدول الشرق الاوسط وخاصة دول الخليج .
وقد سجلت هذه الابيات بتارخ 7/1/ 1429 والابيات كالاتي :

بسم الله الرحمن الرحيم

غزه محاصره من الزمره الكافره
وتمثل شاعرنا ابو طلال من خلال مشاهداته على شاشة التلفزيون من المجازر والمناظر المخزيه في غزة هاشم .
والابيات كالاتي :

نبرة غضب على موقف العرب
ملاحظة : هاشم جد الرسول صلى الله عليه وسلم الثاني دفن في غزه .