|
يامهجرس بارك الله فيك مادهاك أيها الضرغام
كان ردك الاول زين وواقعي بسم الله علاك ثم جئت في الرد الثاني مايطرحونك الفرًاعه هههههه أولا إفهم ياعافك الله قبل ما تشن أي هجوم مباغت ماذاا قالوا زملاك ألذين ودك تعارضهم ولا تقتنع بما يقولون000 صياف شاعر من كبار الشعراء وما فيه واحد منا قال في شخصه رحمه الله ولافي شاعريته أي شيء ثانيا:النقد للمحاوره وليس للشاعر وانا أشرت في أكثر من مره أن هذه الدراسه للباحث في الادب الشعبي شبيب الملعبي و دوري إقتصر على النقل والاستحسان وهو من حقي وأنت من أنت لتفرض رأيك وتهمش رأي الاخرين طال عمر رحم الله إمرءا عرف قدر نفسه وفهد الشهيب شاعر من شعراء النخبه بمنتدى ربعه عتيبه وتحليله يدل على شاعريه فذه ومعرفه واستكشاف لمسار القاف بقراءة ردود الشاعرين على العموم في التأني السلامه أعد قراءة الردود وأعرف توجه ومسار الحوار حتى لاتدخل عرضا في النقاش هههههه تحيتي لك |
^^^^^^^^^^^^
ابن حيشوم انت من تناحي :) يبي لك مكتبه خاصه للردود على الاعضاء الناشئين .! خخخخخخ لاعدمناك ,,,,, |
ناصر التميمي
حياك ياناصر نحترم رأئك |
الاخ الشاعر فهد الشهيب
شهرك مبارك مرحبا ورأئك يستحق يجب الوقوف عنده طويلا لانه صادر من شاعر نخبه متمرس على اسرار المحاوره وفنها وبراعة التعامل مع الكلمه المعبره أشكرك على مرورك وموافقتي على دراسة الباحث في الادب الشعبي لاهنت ولك تحيتي |
جمال منير
نسدد ونقارب وسرى الليل11 مثل ماشفت رده وان شاء الله يركز على الردود بما يخدم توضيح معنى الموضوع فقط لاهنت ياجمال |
لم اكن راضي عن طريقة طرح هذه المحاورة بهذا الشكل لذلك ابتعدت عن الدخول فيها
ولكن دام الموضوع كبر وصار فيه مداخلات واخذ وعطا من حقي اطرح وجهة نظري حسب ماشوف اولاً مافيه لاقلب معنى ولاشي ثانيا قول صياف صياف يقصد في بداية ابياته انك يامستور ماتستغني عني لو ابتعدت عني في الاخير تبي ترجع لي ( ومعناهم في ابتعاد مستور عن صياف في موضوع معين قد يكون في الملاعب اوزعل او غيرها الله اعلم) رد مستور مستور رد عليه بان ماعندك شي ينفع او يستفاد منه ياصياف وهذا واضح من بيت مستور اللي يقول فيه يعني لوبغينا شي ماندوره عندك ياصياف نبا ندور غيرك يقضيه محاورتهم تدور على هالمعنى ويمكن تكون فيه حاجة بين مستور وصياف بعيده عن الشعر في امور الحياه اوغيرها لكن تفاصيلها على المعنى المذكور |
الشوردي
تكبر وتهون الامر سهل وأنا أخوك طاروق وكل يبدي رأيه مداخلتك تعبر عن رأئك ومن حقك طبعا تحيتي |
/
/ . صبحك الله بالخير يابو خيشوم :) وصباح الخير للجميع , وكل عام وانتم بخير , مستور أستغل المفردة ( التمر ) ولم يقلب المعنى كما قلت , المعنى واسمعوا العلم :) يدور حول مشروع كان ناوي العصيمي يسويه ويبي جميع محاورات صياف , ودارت المحاورة حول هذا المعنى لأخر المحاورة بإسلوب التلميح المتقن الذي لايجيده الا الكبار . وسلامتكم :) |
صبااحك ومسالك هناء وسعاده وحي العقل
مجرد مرور الشعراء والشعراء النخبه والكتاب والنقاد المتميزين والاعضاء الرائعين يكفي عن أي تعليق كل يرى ويتوقع ويمكن للشاعرين العلمين كلام آخر لم يخطر لنا على بال الاراء جميعها محل التقدير والاحترام تحيتي |
يالربع خلوا العصيمي والثبيتي يقومون بالتحليل المحاوره على كيفهم لا بعد العصيمي جاب معه معجم يقول يحلل شعر المحاوره
هههههههههههههههههههههههههههههههههههه |
قبل لاابدي رأيي احب اهني كل من مر بالموضوع بالشهر الكريم
ووجهة نظري الشخصيه ماتباعد وجهة نظر بن خيشوم وحبيت رغم ندرة مشاركاتي في هالقسم لاني شفت البعض معترض على العنوان واللي معترض احب اوضح له نقطه صياف الله يرحمه يقول اشوف مستور العصيمي جاب حبله وجمله واليا قضى تمر الحسا جاني يبا تمر القصيم صياف هنا ذكر ان مستور طامع فالتمر ومايوفره ومن وجهة نظري ان صياف ماتوفق في اختيار الرمز" التمر" لانه يأتي بمعنى اخر ممكن ينقلب عليه بسهولة " والمختصين في شعر المحاورة يفهمون وش اقصد" لن كان عندك تمر جيتك بالبعير وحمله لكن لاتخلط لي التمر الجديد مع القديـم هنا رد مستور يؤكد كلامي بخصوص الرمز لانه نقض البيت واخلف تفكير صياف واحرفه عن المعنى وتمكن من عكس الموقف التمر يامستـور ماعنـدك سنـون تاكلـه اكل الضروس السوس والنيبان مافيها السليم هذا البيت اكبر دليل ان صياف ورط فالرمز اللي وضعه والدليل انه ناقض نفسه بنفسه لانه فوق يقول ان مستور طامع فالتمر ومايوفره , والحين يقول ماعندك سنون تاكله؟ , بصراحه ماكان قدام صياف الا هالرد لكن وقع الفاس فالراس عموما انا حللت بشكل عام وهذا رأي قابل للصواب والخطأ مع الاشاده بما ذكره اخوي بن خيشوم فيما يخص عكس المعنى من بداية المحاوره وهذي تحصل غالبا اذا كان اختيار الرمز وتركيب المعنى غير موفق بصراحه رد الشاعر فهد الشهيب بعاليه يحتاج لقراءه متأنيه وهادئه ومن مثل هذا الرد المفصل تحصل الفائده وتتحقق القناعه يعطيك العافيه فهد وكل عام وأنت بخير |
حمود شكراً ياحمود :)
العصيمي بحر والسحيمي مثله وانا اصابعي تآكلني على الكيبورد و على طرف لساني هرجه بس ماهي لك .. لغيرك نبي نصبر وحلم الله وسيع ,, |
| الساعة الآن »02:11 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd