|
فيصل لا تتعب نفسك سلطان البقمي وابراهيم ما معهم خراج الأبيات كلها عاديه جدا جدا بس يمكن يقولون بعض العرب المعنى فلسطين المحتله |
اقتباس:
وانا خففتها لإنك غالي على العموم هي رد على ماسبقها من تعليق تحياتي لك |
اقتباس:
لم اتطرق لشخص مستور العصيمي .. و انما وصفت ما رأيت بالمحاوره و بخصوص انك ما تتقبل المعلومه مني .. بالعكس هذا شيء خاص فيك و احترمه و لكن الناس .. تتعلم من بعضها .. و ماهو عيب طال عمرك يمكن يجي اليوم اللي اتعلم منك ..و استفيد منك بمعلومه .. و ما راح تنقص قدري ابدا ..!! و بخصوص انك خففت كلامك تجاهي .. ما اقول الا الله بيض الله وجهك .. و هذا دليل ان معدنك طيب وبالنهايه .. نختلف في وجهات النظر .. و القلوب صحاح .. و البال طيب و تحيتي لك يا الامير |
يا اخوان اشهد بالله ان تركي الفين الان مستواه في دبور
والسبب كله من مكتب بيت الجنادريه واداره صلاح العضيله تركي لو الصيفيه هذي سحب عليه مستور كان اكلها واعتذر نفس العام وقال اني سافرت برا لا استطيع حضور المحاورات وهو ماعنده ولا حفله ومتكي فالرياض ويقول انا فالخارج ولكن مستور عرف من وين توكل الكتف وليلي هو وتركي سوا ليس حب في شعر تركي ولكن للمصلحة وفرصه ان تركي يتعلم من دكتور الشعر مستور ويستفيد منه لان حفلاته قلت وكل حفلاته عند قبيله مطير رغم عدم اقتناع اغلبيه مطير بشاعريته فالسنين الاخيره من ناحيه المحاوره فأنا رائي مع راي ابو فالح وبقوة |
اقتباس:
احلى شي في تواجدك ان عدد مشاركااااتك 7 فقط لا وجاي مطفي نورك ان لو مستور مالعب مع تركي كان هالحين مسافر وما عنده والا حفله ياخي سبحان الله قاري متميز للساحه الشعبيه عاد اذا تركي ماعنده حفلات الشاعر الجماهيري الاول وركز على الاول في الخليج ماعنده حفلات من هو الي عنده حفلات . الله يصلحك ياولدي ويصلح من ارسلك |
اقتباس:
لايتفقك معك المتابع نهائيا تركي الالفين هذا مستواه اللي حنا خابرينه تطور الرجال في بداياته ووصل مرحلة معينه وثبت عليها له الان عدة سنوات وهذا ديدن كثير من الشعراء |
اقتباس:
والله أنا يا أبو فايح ما اقول الا الشيء اللي أنا متأكد منه ولا عندي تحيز مع بعض الشعار سوى من القبيله او من القبائل الاخرى وما دمت متأكد من المعنى ماله داعي اجادل فيه اللي ما هو مقتنع فيه بكيفه |
اقتباس:
ياشاعر خطير الله يصلحك لاتنظر للمشاركات الان أكثر المشاركات أحتسابها غلط تعال ياللي تقول ان تركي الشاعر الجماهيري الاول تركي الان جميع حفلاتة هدا الصيف مع مستور والقعياني و البرازي وشاهر العنزي تخيل لو مستور ماهو معهم من يبي يروح يدور هالحفله جعلك سالم ياشاعر خطير الظاهر ان المرسول انت الظاهر انك هنا سفير لبعض الناس |
اقتباس:
انت مطلوب توضح وتشرح لاسئلة بعض الاعضاء .. :) هنا http://www.otaibah.net/m/showthread.php?t=128026 |
محاوره سطحيه لايلام عليها مستور
لان شعار دفن المعنى مابقي منهم الا اثنين اوثلاثه والجمهور الواعي انقرض ولم يبقى الا السطحيين على شان كذا ماهوب حاسب لاحد ولسان حاله يقول ادفن ليه مادام مافيه احد يفهم |
اقتباس:
طيب انا شايفه .. و متجاهله لأني .. ما راح استفيد شيء ... الرجل مقتنع بما كتب .. و كلامي لن يقدم او يؤخر .. بالنسبه له و لكن السؤال اللي يطرح نفسه .. ليه جايبه انت..!؟ قاتل الله الجهل |
اقتباس:
ما ودي ارد على كلامك هذا , لانك في محل عتيبه الهيلا ولك حق الاحترام والتقدير :rolleyes: بس عذرك غير مقنع , قل انك مو فاهم المعني وانك ترد لانك خنذفي فقط :p |
اقتباس:
اشكرك على حسن اخلاقك .. و ماهي غريبه عليكم يا عتيبه و الاحترام متبادل طال عمرك و لا هنت على كل حال |
اقتباس:
صحيح يابو يازين انا سفير كلمه الحق والصدق الي نسيته في مشاركتك اقتنعت او ماقتنعت يظل تركي 2000 الشاعر الجماهيري الاول في الخليج وليس السعوديه واكثر شاعر مطلوب شعرياً والطائف يشهد على كلامي... وهذا جمهور الطائف يشهد على كلامي ( واذا بتتأكد روح زور الحفلات الي بجوار حفلات تركي في الحويه وانت تعرف بنفسك يابو زين ) |
الان اتحدى اذا جماهيره زي اول
فقد اكثر من النص واذا فيه جماهير تزود شوي في الحجاز تراه مايلعب لحاله معه شعراء لهم جماهير وخصوصآ انهم من الحجاز |
اقتباس:
أخوي شاعر خطير تقول لأبو زبن إنه نسي الحق وأنت تتناساه بالفعل يا أخي على أي أساس حكمت بهذا الحكم ؟ والله إنه حكم التعصب للشاعر وللرأي . وإذا على المنظور الشخصي فأنا أرى سفر الدغيلبي اكتسح الجميع جماهيرياً ... هذا رأيي الشخصي , فإذا كان حكمك السابق رأيك فقط قبلناه , وإن كان حقيقة تريد فرضها علينا فلابد من أن تقدم إثباتاتك . وترى تركي يحاول يكسب أبو تركي لأن ذلك يعود عليه بالنفع . والسلام |
اقتباس:
|
تشعبت الردود بين مؤيد ومعارض لما ذكره الزميل أبو فايح .
وقبل البدء بخوض معترك هذا السجال الكتابي والنقدي أحب أتوقف بعدة نقاط :- 1/ لازال الحوار والنقاش ينال منه تركي الميزاني بشكل كبير . 2/ تحوير الموضوع لعدة أطروحات وأراء وترك الموضوع الأصلي . 3/ يجب أن نؤمن بأن هناك شعراء لهم باع طويل وكبير بشاعر المحاورة وما يطرحونه يعوه جيداً والرسالة سامية وحديثهم عن وضع مزري , بمعنى أكثر المستفيدين من سياق معنى هذا الموال هو من ذاق مرارة ما تحدث به الشعراء وخصوصا ارتفاع الشعير وظلم ساهر . ما يطلبونه النقاد من أن تكون المحاورة غير سطحية وذات قداسية خاصة هذا مطلب خيالي . دائما المواضيع تكون ذات جو صاخب بحال تواجد تركي الميزاني والدليل هو كثر المشاركات والمشاهدة .. ليس من يحكم على جودة الشعر والشعراء أبو فايح بل ما ذكرته لا يتعدى حدود رأيك فقط ومع هذا هو قابل للصواب أو الخطا . البعض يعتبرها سوالف ليل والبعض يفسرها بأنه رسالة تم توصيلها بدون تخوف وبكل تجرد . لماذا نقع على الجرح ونذكر السلب ولم نقدم الإيجاب .. هل فعلا ً لا يوجد لمحات جمالية نذكرها ونقدمها . عزاي الوحيد هنا بأن الزميل أبو فايح يتقبل حديثي بصدر شمالي .. شكرا ً لكم ويظل هذا القسم مذهلا ً سامياً . |
هذة رساله شامله ومتفق عليها من الجميع ارضاء لخواطر البدو في هذة الحفله بالذات والناس كما تعلمون أصابها نوع من الملل من مواضيع المحاورة التي دائما ماتخلو من القبيله
|
وجهة نظري الخاااااااصة التي لا الزم بها احد في هذه المحاورة " سأعلق على محاورة الميزاني ومستور العصيمي لانها افضل الموجود اما محاورة العنزي وبن عتقان فهي في مهب الريح دعونا نتفق اولا على سطحية المعنى في الموال والدلاله عليه رغم دفنه في بعض الابيات اعتقد ان العصيمي نصب فخ للميزاني كاد ان يقع فيه وتداركه في منتصف المحاورة الفكرة : \ ابو تركي لعب على وتر المعيشه وهموم المواطن اليوميه وهذه تحضى بشعبيه كامله من الجمهور والخصم كان يجب عليه ان يعترض على كل ماتم طرحه او يبرر ذالك وهذا بحد ذاته يعتبر مثير ومرفوض من الجمهور والمشاهد والمستمع للمحاورة ( تركي الميزاني مثل وجهة النظر هذه في الرد الاول ثم تدارك ذالك في بقية المحاورة و فهم الطبخه متاخر ولم يحسن التصرف فاختل توازنه وهذا هو ما انهى المحاورة قبل ان تنتهي (مثل ماقال ابو فايح المحاورة سؤال وجواب وخصمه ) والخصمة انتهت من الرد الثاني للميزاني مستور العصيمي عندي رساله يا ملكنـا المفـدى .......وانـــت الـمـبــدى وللنائب الثانـي عساهـا تـودى ماتعرض الشكوى على غير أهلها يا المطيري شد حيلك شد خلنا الليله نقـول بهـا واضح ان ابو تركي بدأ وطرح الفكره في الموال تركي 2000 ما دام ابو متعب بخير وعوافـي الشعب كله مـا يجيـه الخلافـي في كل يوم(ن) والتطور يشافـي ماتعرض الشكوى على غير أهلها هد يا شاعر عتيبه هد طيع شوري لا تخربها في رد تركي هذا \ كان خصمه و تمثيل وجهة النظر المقابله وهذا اساس الحوار وليته استمر على هذا المنوال لكنه تحول في ردوده اللاحقه مثل ماذكر الاخوان الى وجهة النظر التي يمثلها مستور بابيات جاهزه لا تحمل الخصمه ولا النقض المطلوب مستور العصيمي تكفى يا ابو متعب وتكفى يا نايف الكل منا صـار خايـف وخايـف أهل المواشي ما وراهم وظايـف ماتعرض الشكوى على غير أهلها البحر ما بين جزر ومد والسماء فيها كواكبها هنا بدأ دفن المعنى في بيت ابو تركي ( البحر مابين جزر ومد ) دلاله على الاوضاع في المنطقه وكانه يطلب تهدئة الاوضاع بالالتفات للاوضاع المعيشة للمواطن و لا زالت وجهة نظر منطقية ومقبوله تركي 2000 تكفى يا ابو خالد قـوي العزايـم البدو ما تلقـى شعيـر البهايـم وساهر يصورنا ويكتـب قسايـم ماتعرض الشكوى على غير أهلها انتظر بكره يجيك الـرد راقب الساعات واحسبها هنا الميزاني تحول في الموال 180 درجه وتخلى عن موقف الخصم مع انه في الابيات كان نقضه جيد وهو رد على ( البحر مابين جزر ومد \ والسماء فيها كواكبها ) الى هنا كانت المحاورة جيده نوعا ً ماء باستثناء موال تركي الاخير بعد ذالك اتفق مع كلام ابو فايح 200 % انها خرجت عن مسارها الصحيح حتى ان الميزاني تخلى في بعض ردوده عن وجهة نظره التي كان من المفترض ان يمثلها واعتقد انه حسب حساب الجمهور وخاف من الوقوع في الفخ . مستور العصيمي صار الشعير أغلا من البن والهيل من همه البدوان ما تمرح الليـل هذي تراها كارثـه يـا ريجيـل ماتعرض الشكوى على غير أهلها رحت للتاجر لعين الجد فيـه عيونـه يقلبهـا تركي 2000 الطالب اللـي كـل يـوم يتحـرا أهل الوظايـف كـل يـوم اتبـرا وإليا وصلهم قالـوا الربـع بـرا ماتعرض الشكوى على غير أهلها أكثر التجار بارد خد ودك خدوده تتربها مستور العصيمي مخازن التجار مليانـت(ن) حـب مير الغلا يا سيدي نـار تشتـب الله وأكبر كـن مـال البـدو رب ماتعرض الشكوى على غير أهلها أثر بعض الناس ماله سد يسمع الكلمـه ويقلبهـا تركي 2000 ملوكنا يـا جعلهـم دايـم بخيـر والهم ولاء ولهم معـزه وتقديـر لكـن حنـا عاقبتنـا الفواتـيـر ماتعرض الشكوى على غير أهلها الله أعلم يا نهار الغد الطيور أدمت مخالبها مستور العصيمي تكفى وتكفى يـا وزيـر التجـاره راحت مواشينـا علينـا خسـاره طريقة التجـار ماهـي شطـاره ماتعرض الشكوى على غير أهلها الليالي ووجها مسود عاقبتنا الله يعاقبهـا تركي 2000 عجل نبا نمشي يا مستور عجـل لقيت ابن عتقان شايـل مسجـل ياليتهـا يـا صاحبـي تنتوجـل ماتعرض الشكوى على غير أهلها جعل عينك يا سلمي تنسد السوالف لا تروح بهـا |
ألف شكر للجميع أعتقد أن الموضوع أخذ حقه من النقاش |
| الساعة الآن »11:28 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd