انت قمت اتفح والطرقه ترى قدمك مديه = غير يارجال ريّح كانه اضناك المسيري
بيّن الخط العموم من الخطوط الجانبيه = ياعلي ماعاد عنها لامطير ولا منيري

علي الشهراني

يا سلام الله سلامٍ نصف فيه الواقعيّه= و نصف فيه الموت الاحمر حكمة السيف الشطيري
اشهد انّ الشيخ معجب عبقري ما فيه زيّه=حط لشعيل الجمل جنحان و أزرى لا يطيري

مرزوق حمدان العتيبي

مرحبا ياللي تسلم بالرموز الشقلبيه = ياعسى فالامر خيره ياعسى فالامر خيري
معجب اللي لحتمى الميقاف يردع كل هيه = مار هات العلم ياللي جيت عن ربعك سفيري

علي الشهراني

البقا يا الفارس اللي قام في واجب خويّه=عقب شاف النار ما بين العتيبي و المطيري
ما بقا الّا يوم و اتطّيح الصروح العالميه=حسب ما جانا من الاخبار يا سلك الحريري

مرزوق حمدان العتيبي

فزعت العتبان تظهر للملا ماهي خفيه = يشهدون إلها هل الصمان واللي في عسيري
شد حيلك دام ساعات الخطر دقت تحيه = ودي اني مافتقد وقفتك باليوم الخطيري

علي الشهراني

و الله انّ الشك زاايل بين ذيك و بين ذيّه=داام رااحت و استرااحت ليش أنا اعكّر ضميري
العرب ما تنشد الأ النير يا مقلع طميّه=غير مدري و ين ضااع الشوور يا راس الشويري

مرزوق حمدان العتيبي

وش بلاها قامت الاقدار ترميها عليه = غير كلش فالزمان يصير ياعقل البصيري
العرب لازم تميّز فالصواب وفالخطيه = لو نصر الله تبراّ من هدر دم الحريري

علي الشهراني

الحجاز يصيح و ينادي على نجد العذيّه=ما درا انها تشتكي مثله من الحال المصيري
كلهم شيعه عليهم لعنةٍ ما هي خفيّه=و الّا انا مسلم و سنّي يعبد الحق القديري

مرزوق حمدان العتيبي

من يجامل زمرة الافساد لارحم ابو حيّه = زمرة الافساد وسط اقلوبها الشر الشريري
ياعلي وش جهدك اللي تبذله في هالقضيه = وانت من ناس ٍ لهم وقفات باليوم الكبيري

علي الشهراني

صح ما تقدر تهد المملكه و الفيصليه=بس تقدر تنقل الما و الغذاء عبر الاثيري
موقفي واضح و لا يحتاج نبرز لك هويه=لو رقى راس الصغير و لو نزل راس الكبيري

مرزوق حمدان العتيبي

انت قمت اتفح والطرقه ترى قدمك مديه = غير يارجال ريّح كانه اضناك المسيري
بيّن الخط العموم من الخطوط الجانبيه = ياعلي ماعاد عنها لامطير ولا منيري

جمّل الله حالك و مبداااك يا زبن الونيه=يوم غيرك ما درا وش صار فالوقت الاخيري
الختام ازكى صلاةٍ للنبي روحه و جيّه=و السلام و رحمة الله يا هل العلم الشهيري

ابيض وجه يا بو حمدااااان


و صح لساانك و قلبك و كلك ملياااااااارات


شرفتني و يعلم الله ان المكسب لي


و لو ادري كان طلبت معجب من زماااااااااان _ ههههههههه


اترككم في حفظ الله و رعاايته


الشكر موصوول للجميع و بالاخص ابو سلطاان و ابو عبدالله