من باب تقدير الصداقه والاخوه ياعلي = نبا ندرجها لو ان النفس منكم طايبه!!
ارم النظر يابن فلاح ابعيد والمخرج ملي = لا تختلف نيتك بين المخطيه والصايبه

العزّ و التقدير لك و العزّ و التقدير لي = قلته و لو نفسك عن البهتان ما هي تايبه !!!
نظرة عيوني فوق يا فايز و حظّي معتلي=و انته عسى فيك الظنون تصيب ما هي خايبه !!!

جيتك وانا طلاب حق ولا نسيت اشقلتلي = وحقي ماهو ضايع ورى هاك العجوز الشايبه!!
لا تحسبنك ياوسيع العرف عقلت اجملي = اقلك \ الدعوه يابن فلاح ماهي سايبه

سافر على بابل و يخبرك الزعيم البابلي=و انا معك في موقفك ضدّ العجوز العايبه
ما يصفي الجو لين هذيك الغمامه تنجلي=بعض العرب حاضر و لكنّ الفعايل غايبه

حتى ولدها عان بطنه من تعبنا ممتلي = وهي من البطره تدس المال في حقايبه!
وانا لو اطاوع عجوز ابليس ضيعت اعملي = مابين مكه والرياض اعروق دمي ذايبه

يالحنبلي خلك على نهج الامام الحنبلي=و اللي يجيب الشر علم الخير ما هو جايبه
تحمّد الله يالثبيتي في رفيع المنزلي =الناس غيرك في منازلهم دماهم رايبه

ماني معذر في الحبال اللي تجينا بالدلي = والموت لو انه حداني عنك ماني هايبه
تبا تقر وتعترف ولا نركبك الطلي !! = الليله الليله يابن فلاح فيك النايبه