ابن سرحان الثبيتي

اشوف فالملعبه مشرف وشاعر كبير = يقلون معجب وانا ماهو بمعجبني
يامعجب القشه اللي روحت بالبعير = مدري من اللي رماها مير واغبني

معجب العتيبي

ماشفت غير الحقيقه يالخوي المدير=لو ان هرجتك ماهي حيل تطربني
الظاهر انك يابن سرحان فيها خشير=طبق عليك المثل يضرب ويسبقني

ابن سرحان الثبيتي

ان كان ماشفتها بالعين فانته ضرير = وعلى دموع اليتاما لا تحاسبني
تغلط ولا تدري ان الوضع جدا ً خطير = وانا ليا قلتلك مخطي تكذبني

معجب العتيبي

عن مقصدي ليش ابن سرحان جا مستدير=وفي واجبه صاحبي جاين يطالبني
حاول تذكّر بدايات الحبي والمسير=قدام بجيوشك الرفلا تحاربني

ابن سرحان الثبيتي

توقيعك اللي على كشف الفساد الاخير = يثبت تورطك لا تهدم ولا تبني
وشلون تسمح بها وانته في منصب وزير = هذا سؤالي فقط : ليتك تجاوبني !!!

معجب العتيبي

ان كان عندك من التوقيع مقطع صغير=في قوقل انشر مع اليوتوب واحرجني
مانسمح الا بحق ولا نطيع الغرير=واللي بغيره يغرر ليش يتعبني...

ابن سرحان الثبيتي

راجع ملف اتهام النابغه مع جرير = وانته تشوف الخبر قدام تنكبني
المشكله كان ماتعرف خطاك الكبير = اليا عرفته على الهوتميل كاتبني!!!

معجب العتيبي

مافيه غير الحقايق والحكم بالمصير=مصير من يخطي دروب السنع ياابني
اخوك اخوي وشويرك لي خوي وشوير=وان كان ماجازلك لا لاتصاحبني

المشاركة الأصلية كتبت بواسطة النشمي (المشاركة 963606) زياره خاصه للمبدعين ابن سرحان ابوسلطان صحت السنتكم

ارحب يابو فهد ولاعدمت تواجدك الفخر