شبل الهيلا =
الاياسعود انا خابرك فارس قوم مايحتاج= مغير تقضّها فالقوم وتعود بغزايزهها
لكن لاكبرت الدعوى علاك وصار فية احراج!!= الا ياسعود قلي يابن عمي كيف تحرزها؟؟
سعود العصيمي =
نقول اللي تقوله ماعليكم زود فالمنهاج = ورجالٍ معه سلطه لياجيناه يبرزها!!
طبيب الجرح لويكبر يحضرّ له دواء وعلاج =وانا حافظ شداد المجد وجنونه محجزها.!!
شبل الهيلا =
انا مدري متى تلقا السجينة ياسعود افـراج=تراها ظلم!! وهيه من عرب تحفظ مراكزها!!
لكنّ الظاهـر انّ معاملتهـا داخـل الادراج=وقاضى هيئـة التمييـز عيّـا لايميزهـا!!
سعود العصيمي=
تحيزم بالسلاح وبالجيوش وقـادة الافـواج=وتظهرها بقـدرة واحـدآ يقـدر ينجزهـا.
مشاكل شايكة فاتلى الزمن بين العرب وارماج=لكن الله يعز اللـي مـع القـدره معززهـا.
شبل الهيلا =
سلاح الجو حاضر لو تباه يحضر الميراج=على دك القواعد ياولد !!ماهو معجزهـا
قلوب الغرب يم العرب يارجال مثل الصاج=ومعروفٍ تعنصرها ومعـروفٍ تحيزهـا
سعود العصيمي=
أنا مبغاه اخذه وعطـه للمحتـاج والحـواج=انا مغنينـي الله والقواعـد مـن يلعوزهـا.
انا ادري ان اليهودي لو عطيته نجمتين وتاج=مايرضى عنك يالمسلم وله لمـزات يلمزهـا.
شبل الهيلا =
حدود القاهرة ياسعود كم تبعد ورى سوهاج=تعيّن فالمسافة والحدود افطن تجاوزهـا!!
انا مومن واصدق ليلة الاسراي والمعـراج=ولو جتني يهودية جميلـة (ماتجوزهـا)!!
سعود العصيمي=
أنا مدري عن اللي مالها مدخل ولامخـراج=ومني ماتجيك المخطية مـادام ناقزهـا.!!!
عسى الله ينفع ابك الدين ويطيّب لك الانتاج=لكن ام الكباير معركتهـا كـم جنايزهـا!!!
شبل الهيلا =
مدام انك على ماقلت لو تسمح,,,,,(بدون ازعاج)=ليا شفت الثمينـة بالذهـب ياسعـود طرزهـا!!
ترى صاحبـك ياسعـود العصيمـي واردٍ هـداج=ولن دارت رحـات المعركـة ياخـذ جوايزهـا!!
سعود العصيمي=
عطيتك ياشبل صندوق شبابي ومثله عاج=ولن مكفاك قدم اعداك ابي اجيها وكربزها.
اناماقول فيك قصور وصحيبك رفيع ادراج=لكن خير العلوم الطيبه ياشبـل موجزهـا.
