فآخر زمن معدن القصدير جاله بريق =مير الذهب نعرفه غالي وله منجما
ياعقاب دامك عقاب اكفخ وعانق طويق =روس النوايف تشيل الغيم كانه زما

المشكله من وضع له عز ومجد ٍ عريق = آخر زمن تنقد العرّاف ناس اغشما
العلم الاول ماشفنا له ياحاكم طريق = اعيونكم تلتفت واعروقكم بالدما

بينك وبين الغشامه فيه حبلٍ وثيق =ملزمبك الحبل وانته بالحبل ملزما
ماحدٍ يعيش الحياه بلا زفير وشهيق =وانته تمر الحياه وكن مالك فما

الحبل لك ولا ّ انا حر ٍ وغايش طليق = ياراعي النيه اللي من سنين دهما
اثرك ياصاحبي ممّا حصل مستضيق = بكرا الليالي تبين اللي عليك انكما

اصهل صهيل الحصان وخل عنك النهيق =تبت يدينك على منطوقك المظلما
اعقاب يهرج وحبه في رحانا دقيق=لاشفته اذكر علوم اصحابه اهل ضرما