انا معروف ومقدر مع أهل الماقف المشيوف=حقيقه والحقيقه شايف الخيال كانيها
لك الله مايهم اتعب مدامي فالسعي والطوف=رضا الخالق غنيمة كل هالدينا ومافيها

عسى راع الوفا يا صاحبي يصرف لكم مصروف = وتصبح مع رجال ٍ يفتخر منهو يجاريها
تقوله .. ما دريت ان الغطا عقب البطا مكشوف = وبانت حجتك للناس وانته كنت مخفيها

انا قانع برزق الله وافل المنطق الملفوف=تكفيني فعولي بأول الدنيا وتاليها
ترى لو طالت المده جبرت الخاطر المكسوف=اله مده يحاولني بنفسٍ كيف نرضيها

ترى الحمل القويّ شاله يبو غازي قويّ كتوف =حمول ٍ كايده ماشالها يا كود راعيها !!
عسى رجل ٍ يحب الطيب فيكم يبذل المعروف = وتنحلّ القضيّه بين كاتبها وقاريها !!