انت والنشمي على راس الجمل تاره وتاره = وانته تزيّن له الدلّه وتنفض في ثيابه !!!!
لو خلقك الله زند تفيد بقدوح الشراره = يستفيد العود منك ويحفظك داخل زهابه !!

ابو لمار

السعيدي جار للنشمي وهو حافظ جواره = وان بغينا نزهمه قال الثبيتي وش تبابه
صاحبي فواز ماينقصه شي من الشطاره = لو ثبيت اصحاب فواز السعيدي ماتشابه

فواز السعيدي

مانصدّق فالعلوم اللي تدوّرها دواره = صح جارتنا عتابه وانته مجاور عتابه !!
صح كل اللي تقوله بس دقّق فالعباره = العتيبي لو كشف معناك قوّمها حرابه !!

ابو لمار

قالوا ان الحرص واجب وانته افهم بالاشاره = لاتلصق بالثبيتي وانت مانته من شبابه
عنك لاتحرف علومي ثم تحسبها مهاره = ثم تسري جوف ليل" سرمدي ماينسرابه

فواز السعيدي

انت والنشمي على راس الجمل تاره وتاره = وانته تزيّن له الدلّه وتنفض في ثيابه !!!!
لو خلقك الله زند تفيد بقدوح الشراره = يستفيد العود منك ويحفظك داخل زهابه !!

ماخبرنا واحد" جاب الحنش في جوف داره = وانت اظنك لو تشوف الداب الاسود ماتهابه
مانبا فواز يصبح صيد لسباع المغاره = مير اظنه سار يم السبع في الليل وغدا به

انتبه يالخندفي لاينكشف سطح العماره = ان بدا سطح العماره مابقى فيها صلابه !!
لاتوصيني وانا رجّال في راسي ظفاره = كيف توصي لك هذيلي ياغرابه ياغرابه !!