تبا تدرس لك شجيعٍ له شهور وله سنين !!=وهو يرد القوم من دونك ولاجته اربشه
الضيف لاجاني يبا يقلط على سمن وسمين=لكن علمٍ ماعليها اسناد حذرى تنبشه

يا وجهة الله يالكلام اللي يعرق بالجبين=والفعل.. راس الظبي قالوا من لقى فيه اعرشه ..؟!
انشد علي وسعود ولا العازمي والعارفين=تلقى الدليل اللي يبا يجلي عن العين اغبشه

يعني تبا تجحد فعول الطيبين الغانمين=وانته ورى الشاشه وعينك ماتريح برمشه
دامي موثق خطوتي فأمشي ملك في كل حين=مير انت ياراع البهم عنا بهيمك قم حشه