الليل بعد الليل طال اقرب هنا يابوفلاح=مايستر العورات يارجال غير حجابها
القافله في دربها ماهمها كثر النباح=واللي مايرضى..بالغصيبه ياولد يرضابها

الليل سرّ الليل و الموعد ليا نور الصباح=و في ذمّتي كلمتك عين العقل و انت أولابها
في دربنا ماشين حتّى لو تطنّب بالصياح=في جبهتك بين العيون إموكدٍ مضرابها

عزالله اني ياولد موردك للعد القراح=لكن من عاش برديه ياعرب يضرابها
لكن ياليت الولد هاد بمحله واستراح=مالي ومال العاريه بعد كشفت جلبابها

من بعد ما جتك البيوت اللي كما ضرب السلاح=ما جاك منّي غير واجب لحيتك و اشنابها
حنا نعرف انّ الجبل ما هو كما الحزم البراح=و العاريه قامت من الليله تشق ثيابها

الضايعه تحت قدمي والطيب في صدري وشاح=روس العرب ماتلتفت يايقوم يم اذنابها
ماتدري اني ياهبيل القلب دكتور الجراح=كم علةٍ داويتها لو يستحيل اطبابها