عندنا شيّاب ماشاالله عليهم مقدويّه = دلّهم دلّ الرجال وورعهم نسل الرّجالي !!
وانت بكره لاشهقت وجيت تكتب فالوصيّه = تكتب " انتبهو لحد يدخل على الايميل مالي " !!

عندكم شياب عاشو بالجهل والعنصريه= يحسدون عيالهم من بخلهم ربع الريالي!!
خل علم الغيب علمه عند خلاق البريه= مار حسن الخاتمه والعفو يارب الجلالي!!

انت تاخذ من ولدك اليانجح تاخذ حذيّه = وانته المفروض تهديه العمامه والعقالي !!
خاف ربّك واطلب الله فالصّباح وفالعشيّه = توب توب الله يبارك فيك عن درب الظّلالي !!