دايم ليا جاء التحدي يالجذع مالك معي سوق = قدام مرمى السهوم تصير للرامي ضريبة
يالشاعر اللي عليك انزل تعالى نجم من فوق = من حظ سلطان مدري صار من ردوة نصيبة

دقايق الله يبارك فيك واروقك واتروق = هل تعلم أني على الشعار شرٍ يندعي به
يانجمنا اللي مثل نجم المحاني مابك فروق = فالليل ماني بلاقي منك نورٍ ينسري به

لو جا معك يالجذع عشرين شاعر سقتكم سوق =انصاب عمهوج في كفي واسله واعتزيبه
لا والله فروق واجد بين صقر وبين غرنوق =والورد لاهب ذعذاع النسيم يفوح طيبه