سفينه نوح باسم الله مجراها بوسط الموج =تسيرها عصا موسى قبل خاتم سليماني
انا وش حيلتي قدام قوم الجوج والماجوج =مثل من يرفع البيت المروبع دون عمداني

ترى اللي يزرع الحنضل ولايدري عن المنتوج =مايجني من ثمرها لاثمرت مشمش ورماني
ليا كثرت هروج الناس مانرضا علاك هروج =لكنك عالج الموظوع هذا قدر الامكاني

يبا يظهر لك المنتوج يشعل في الظلام سروج=يسد بمنتجاته جوع اهل جده وعسفاني
الا ياخوف قلبي ياعلي تلحق بامير الفوج = وتصبح سالفه عند المريكي والبريطاني

كراديس الرمك وشلون تركبها بدون سروج =ترى منته بفارس لو ربعك قوم فرساني
تهدون الصواريم الجوارح والحمام يروج =دخلتو بعدها من عالم ....في عالم ثاني

الله الله


علي فلاح العضياني - حاكم الابداع الغنامي


صحت ألسنتكم هذا والله الكلام


إبداااااااع غير مستغرب في سبيل الوصول إلا حل جذري


بقتبس مدري وش اقتبس - بنسق ماعرف أنسق


ســـــــجلا إعجـــــــــــابي وبس