سلام الله سلامٍ يسوق القوم للقوم= على دقة طبول الحرايب في دقيقة
ياحاكم من يحقر النشاما صار مذموم= وهاذي للرديين ياحاكم طريقة

هلا يامرحبا وانت فيك علوم وعلوم=تبا بين القبيله تولعها حريقه
تراك بليلك المندمس غادي ومنجوم =تبا تشتال حملٍ عزومك ماتطيقه

يدوم الك البقا....والردي ماهوب محشوم= ادفة فـ...الحريقة ولوّ اني شقيقة
عطيتك ظرف من قبل عشر ايام مختوم= لكنّ من التغطرس رميتة فـ... الحديقة

تولم ياشبل كان الك جنحان وتحوم =عساك تحوم حوم القرانيس الطليقه
نباها حاضره وانت يومك عن مية يوم =يموت من الضما صاحبك مابل ريقه

رصيدي في بنوك الذهب ...مانيب محروم= ولا جاني سلف ياولد والا سريقة
نعرف شعيل ليتة بحملة يقدر يقوم= ولوّ ثقلت حمولة يبا يصبح سليقة

رصيدك خابرينه كنوز الفرس والروم !!=ونعرف كوكب الشعر واضح من بريقه!!!
عسى الله لايضرك تطب البحر وتعوم =وعوام البحر ياعرب ماني رفيقه

تراه ابرك من اللي رصيدة حزمة الثوم= ونعرف كوكب الشعر لاجات الحقيقة
ترى حوت البحر فـ البحر علّة ولاهوم= لكنّ ابعد عن البحر واعزف فـ..المسيقة

يبا يجمعك ربي سوى بوخيّك التوم =وتكتب له وثيقه ...ويكتب لك وثيقه
انا ماني على خوتك ياشبل ملزوم =لونك شاعرٍ كفو وجذورك عريقه

انا خابرك ياصاحبي مافيه معلوم= تهز الراس والراس صايبته شقيقة
لكنّ ارتاح ياصاحبي حاكم ومخدوم= بعد زودت همك وصدرك جاه ضيقة