الهمج كان اعطشوا ورّدوها للهماج = والهماج أعرفك ما أنته بضاري جيّته
ما نفرّق فاللحلي بين لؤلؤ أو عاج = والسّبح ما بين صخر وعظام ٍ ميّته

المشاركة الأصلية كتبت بواسطة حاكم الغنامي (المشاركة 924908) الله الله صحت الالسن والقلوووب متابع

المشاركة الأصلية كتبت بواسطة العمــــــدة (المشاركة 924933) يا سلام قادح شرار // ابن سرحان صحت السنتكم متابع معكم

المشاركة الأصلية كتبت بواسطة طلال ناشي (المشاركة 924947) يا سلام قادح شرار // ابن سرحان صحت السنتكم متابع معكم

احسبنك يوم حصلت لك نجمه وتاج = تعرف اتداوي جملنا وتنضج كيته
مار جبت الموتر اللي موقف فالكراج = موتر ٍ راعيه ماشك في ملكيته

والله إني عند هقوتك مقبل للزواج = مسلم ٍ و يريد حسنته تغلب سيّته
صاحبك واعي و ماشي على حسّب المزاج = وعارف ٍ داب الجبل وعارف ٍ سحليّته

لا كتبت الوصفه اثرك تلخبط فالعلاج = كم نصحتك عن هذاك الشعيب وحيته
مار اشوفك كل ماشفتلك فالدرب حاج = تلتحف بشته وتنسى سوات اوخيته

يوم أشخّص حالتك العقل فيه إرتجاج = ما هو بموزون ومبينة مسحيّته
لا تذكي نعجة بذنّب باقيّت النعاج = أعدل وعن كثرة الهرج سد بليّته