غريبه كيف تنشد وانت ظمن القافله رحال =تعد خطاك مع جرة جملك شعيل وحموله
ترى الرجال يصبر ويتحمل زلة الرجال =وانا ماوصي عتيبه ...عتيبه كنها الدوله

على سطح البسيطة كم نشوف جبال مثل جبال=ولانعرف سوى الوادي ليا من سالت سيوله
تقوله وانت يالروقي سواة الهاتف النقال =ولاعندك خبر عن عملةٍ فالسوق معموله

تبى تلحق مرادك لاغزيت وجبت راس المال =هذاك الوقت سيرها وخل النار مشعوله
تراك لحال ياطير السعد والناس ذي لحال =وهذي عملتك لك حولها صوله ولك جوله

ياجلاب البضايع حطها في بسطة الدلال=ترى الارزاق مهما صار مقسومه ومكفوله
حليلك يالغليم صرت متمرد وحالك حال=تحاول فاللغوز اللي من الحلاّل محلوله