ضحيّة حد سيفٍ على العدوان مسنون = وقبله تركي حميد يوم النار حية
اليا من قلتها قلت لك مجنون مجنون = ترى المطران كانوا مقاديم السرية

على عرجا لنا كون والبره لنا كون =نجيك ولآآنك مخلي مراحك كذيه
وفوق المجمعه عزوة الجبعا يونون=وفيصل طاح مكسور من فوق المطيه

تقوله وانت شاربك هاك الوقت محسون = يمر الحول مانمت لك ليلة هنيّه
نعد ميات لكن عتيبة كم يعدون = جميع شيوخم عندنا فالجاهليه

اقوله وانت خشمك بوسط الطين مدفون =واقوله وابن مدلج معي مثل السبيه
عن المطران مبلش وشيخ بريه يكفون =وباقي عزوتك فوقها مالي شهيه

على وضح النقا مرتكي ماضاع لي لون = وجاري مابقي له رجال ولارعيه
لكن انتم ترى مابكم قومٍ يسدون = من الاسراف ناخذكم شويه شويه

لاوالله باقيٍ لك بكار وثار وديون=وجارك يلجمك بالقنا صبح وعشيه
ترى الاقزام نظراتها من دون في دون =ولايمكن يشوف القزم ياكود زيه

عداك اللوم مدامك اعمى قلب وعيون = ترى لو اسفهك مااحدٍ يشره عليه
تحت حد النظر ياعتيبة ماتشافون = وشوف النفس فيكم مع العالم سجية

الا ياهل الجياسر منابت زهر الافنون =ربيعٍ نحصده في الليال السرمديه
صغارٍ في عيون الصغار ان كان توحون =وعند الطيّب اكبر من طويق وطميه