تقولها واقول لك مافيه شك أنك خبل = ممنون بوسام الذهب لو كان ماعندك ذهب
ان كان عندك سالفة سقنا الجمل باللي حمل = وان كان مابه شئ الانسب لك : تراجع وانسحب

إن كان وإني خبل ( ما باقي من وصوفك مثل ) = خفيف مثل الريش و ناهيك إنّك قليّل أدب
أنا أبعرف ليش دايم أنت يالعوني عجل = فيك عّجلة ما أنت بصبور ولا أنت واعي محتسب

والله ماناقصك ياقادح شرار الا العقل = مير انتبه قدام لااصب إلك من شعري غضب
انت متحفظ كلمتينٍ كنت تسمعها قبل = وتفكر انك فاللزوم اللازمة عز الطلب

دام إن عندك عقل أجل مالك في خلق الله شغل = خل بحالك يا ذكي وأشرب لبن و أضرب رطب
حظك بشعرك !! تحسب إن الشعر مرواس وطبل = ما غير عذربني وأعذرب فيك و هواش ونشب

نبا نحاول فالعوّج بلكن يزين ويعتدل = وان مااعتدل ياصاحبي شكره على السيف الحدب
الا انت شعرك زين ماشاء الله على نقض وفتل = تحلم بتمرير المقالب والنهايه منقلب

حاول وأنا جنبك بحاول لو تضيق إبي السبل = ودي أسوي فيك خير وكل خير ٍ مستحب
عندي وعندك خير والطينه مليّنها البلل = والكامل الله خالق الأنسان وهو اللي وهب

المشاركة الأصلية كتبت بواسطة قادح شرار (المشاركة 921980) الله الله أنته تحامي بالجهل عن صاحبك أبو جهل = لكن تبّت يدك في وسط اللهب يابو لهب