خل قسمك ياطويل العمر شط السنام=انت من ضمن العرب والعرب بعقولها
لاتوحى يابن الاجواد ف عيال الحرام=والطيور الحايمه لاتغير جولها

لا توصي فارس(ن) قدمكم ساق النعام = وانتقى من طيبها ما يسوق خبولها
الخبر جابه فصيح و تقفوه الانام = صوروا وسط القصر والبلا فحجولها

يثبت الحجه شهودٍ من الربع الكرام=والعرب ماتاخذ العلم من مجهولها
انت لو وردتها مع موردت الحيام=كان جبنا سائل الناس مع مسؤولها

ازهمولي ابن ثعلي يدق الي التمام = اشهد انه يعرف الناس عند انزولها
ما لنا فاللي حصل لا شراب ولا طعام = في عكاظ المشكله وقعوا واقرولها

ماظلمنا الناس كل الرجال الها احترام=والجمال تقوم لا بركت بحمولها
لو رفعت الصوت يابن العرب تصحا النيام=خل بعض الناس تمرح وتفطر فولها

الحصان اليا جمح جوده باعلى اللجام = وانت فارس عارف ن طيبات خيولها
افطروا وانته مصفر تحت هاك الخيام = قوموا شايب عربكم يرد اجفولها