وفيها غزا هادي بن قرمله رئيس بوادي قحطان بأمر عبدالعزيز بن سعود . فسار بقحطان وغيرهم وأغار على بوادي من مطير وهم على ماء الحنابج الماء المعروف بعالية نجد فحصل بينهم قتال شديد انهزم المطران واخذ منهم ثلاثة الاف بعير


ثلاث الاف بعير يالله اني وجهك

ماضيعنا غير المورخين

3000 يعادل قيمتها 10 مليار سعودي فالوقت هذا كان مطير فنوا من الجوع

ارقام مبالغ فيها وخياليه

من اول قطين كامل يعتاشون علي خلفتين من البل مطير كلها ماتملك 3000 بعير كيف علوي لحالها تملكها

كلام امؤرخين باطل لايوخذ منه

وهاذي وجة نظري تجاهم ماهي فرض علي احد

حياك الله ياخلف وانا لفت انتباهي تاريخ غزو هادي بن قرمله على مطير ابناء قبيلة قحطان يتقولون بأن على عهد عثفر العماج وفي مناخ صبحا تم اخراج قبيلة مطير من نجد كيف اخرجو مطير من نجد و يرجع هادي بن قرمله بعد سنين من ادعائهم بأنهم اخرجو مطير نجد ويغزو هادي بن قرمله قبيلة مطير في عالية نجد اجل عثفر العماج وش هي الاراضي الي اخذها من مطير ؟؟؟؟ بعد مناخ صبحا

والله يابن مورق الناس ماعاد هي مثل اول يحتسون من الهزيمه ولايرضون غير فالنصر والنصر عندالله

ماهو عند احد

مطير وانا خوك ثلاث اقسام بريه عبدالله وعلوي

ماعمرهم اجتمعوا تحت رايه واحده كل قسم مغازيه لحاله يفزعون لبعض ال نزول لمطير في نجد علوي والبرزان

ويريه في عالية نجد وعبدالله فالحره والمصادمات اللي حصلت في نجد علي علوي وبعض بريه وقحطان

ماكان لهم وجود في نجد واقوي شي علوي وكانوا سيف الامام يضرب الاعداء فيهم ويجمع الزكاه فيهم

وعقب قحطان جاهم دهر وحولوا علي نجد علي صبحا يبون موارد والرعي وطلب وطبان الدويش من شروط

ورفضوها وصارت الحرب وانكسروا قحطان فالاولي وجتهم فزوع وصلوها علي علوي وعلي مغيب الشمس

خثع وطبان في حصانه ومات وتعرف الامير لامات العزايم تموت وقومي يالبرازيه مويضي واقصدي

وجات فزوع بريه والامام ارسل الظفير يساعدون علوي ويوم جا الخبر قحطان ردوا للجنوب

ولا جوا نجد الا بامر من الامام وذلك بعد خروج علوي من مورد صبحا ونزولهم علي واد الرشا

وصاروا قحطان جنود الامام والقصه اللي يذكرونها من نسج الخيال لا وجود لها غير في منتدي قحطان

والتواريخ خير شاهد

محد زاح مطير عن بعض اراضيها غير عتيبه باتجاه حرة كشب وباتجاه وادي الرشا واقصد في وادي الرشا

يوم انزلوه عتيبه وعلوي فالصمان ويعتبر من مفالي علوي حارت علوي عتيبه حتي تطرد هم من وادي الرشا

ولم يتمكنووا من ذلك هذا اللي نعرفه اما سوالف الكتب ماخوذ خيرها

ماهو بس قحطان يابن مورق اغلب المنتديات تتقول علي مطير وبطولاتهم يصنعونها علي مطير وبعضها صحيح

لكن الخطر انهم ياتون بصحيح ويمزجونه باكوان غير صحيحه حتي يلتبس القاري ويصدقهم هذا اخطر شي

والله لو تشوف قوقل وبلاويه انك ماتقول ونعم فمطير من كثر ما اسرفوا فالكذب علي مطير

يارجل حتي سالفة الخلاوي الفوها علي مطير طقاع في يد الصحيب وهي مفخره لمطير لكن القلوب المريضه لاتعي ذلك

وانسبوها للخلاوي وهي علي وقت ابراهيم باشا بعد الخلاوي 200 عام قوموا الخلاوي من قبره هههههه

بلاوي يابن مورق

كانك من هل الكويت سير علي واجلسك ويا شيبان مطران محاربين فالنقيره حيين للحين وغبيوي عمره 90 سنه وملمين وكلهم يجيبون القصه ودليلها معها وهي القصيده


علي العموم ماهو هذا موضوعنا موضوعنا المورخين تجنوا فالنقل وخصوصا مطير مالهم ذكر فالكتب السعوديه الا قليل

ولالهم ذكر فالكتب الكويتيه الا قليل لكن علي قولة حاكم الدويش مطير ذكرها فاقلوب الرياجيل

بيض الله وجهك وهذا هو الصحيح