الكريم اللي عماسك طيّره بنه وهيله = لا تحمله العتاب ولاتحمله الملامه !!
مااستوت من ولد عمك جعلها ماتستوي له = يوم فك الباب للي فالحجاز وفي تهامه !!

من حقوق الضيف هذه لاتكاثرها قليله = مالفاكم ضيفٍ يشكي قل من ماه وطعامه
مالقى قدمه بعيرٍ لاثقل حمله يشيله = مالقى غير الخلا قدمه ووفى في كلامه.

المشاركة الأصلية كتبت بواسطة عشقa (المشاركة 897436) الله الله اسطورتنا & سعود الابداااع صح لسااااااااانكم.... وتقبلوا خالص التحيه....

سلطان الجذع=

ياخوي الجنب سر الليل والطرقه طويلة = مبتدانا بالسلام وفالختام مع السلامه !!
ثورك اللي يالعصيمي جاينا بأخته حسيله = أتحداك تعدل ياصاحبي عوجة سنامة !!

سعود العصيمي=

مالك الا نقدح الك الزند فـي خشـم الفتيلـه=مرحبا فالمبتـدا والمنتهـى تسمـع ختامـه.
ثور ابن برجس وفي حفله وانا ماني وكيلـه=ان عدل عوجة سنامه وان بغى يكسر عظامه.

سلطان الجذع=

الخيال اللـي ثـلاث ايـام فالمنشـى نخيلـه=ذعذع الغربي علاه شوي !! ثم فرق غمامه !!
والله انه مادعي له مير من عصر يعدي لـه=بالمرقة مغسلٍ وجهه وفي خـده علامـه !!

سعود العصيمي=

السبب من صاحب المكيال ماوفـى بكيلـه=لو وزن كيله على الميزان ماينقص تمامه.
كم وكم من واحدٍ ياصاحبي يومـي شيلـه=وينكم ياروق ما جوّدتـم العلـم بزمامـه.

سلطان الجذع=

الكريم اللي عماسك طيّـره بنـه وهيلـه=لا تحمله العتـاب ولاتحملـه الملامـه !!
مااستوت من ولد عمك جعلها ماتستوي له=يوم فك الباب للي فالحجاز وفي تهامـه !!

سعود العصيمي=

من حقوق الضيف هذه لاتكاثرهـا قليلـه=مالفاكم ضيف يشكي قل من ماه وطعامه
مالقى قدمه بعيرٍ لاثقـل حملـه يشيلـه=مالقى غير الخلا قدمه ووفى في كلامـه.