دام البقا وعقولكم وش لبها .. لاديست الارياء من العقل اللبيب =فيكم صفات الكاهنه وشعورها .. واللي عقد روس الحبال يحلها !!
كل الحركات القديمه كبها .. ماتنزل الشره على الوجه الغضيب=تنصا رجالٍ نقتدي في شورها .. واللي عقد روس الحبال يحلها !!

أعقولنا ما خافت الا ربها//ياكم وكم دسناك يالراي الصليب=في حاضر الدنيا وماض عصورها//واللي عقد روس الحبال يحلها !!
صب السوالف يالعصيمي صبها//فالجامعة شفت الك تريبٍ غريب =لكن كم هو رقمك بطابورها// واللي عقد روس الحبال يحلها !!

اعقولكم مرضى وعندي طبها .. وشلون حطيتوا على القبه صليب=أهل الشريعه ماتضيق صدورها .. واللي عقد روس الحبال يحلها !!
الناقصه بالله كيف احسبها .. ياللي من الصاحه حدرتوا للشعيب=كرمت لحى وألا دهان سيورها .. واللي عقد روس الحبال يحلها !!