ياجماعة خير ابن سفيان ياكل في هموله= كم نصحته مايجوز من الحيل والاحتيالي!!
فيه طبع ومنهجه مايرضي الله ورسوله=وده يثير المشاكل بين عم وبين خالي!!

ياعميل الخير علمك زايد" عرضه وطوله = مانت جمّالا" تسوق الزمل وتقود الجمالي !!
المشاكل في الكلام اللي مع العالم تقوله = كانت اعلومك اقصار وصارت اعلومك طوالي !!

لا تسوم ابضاعة التجار ماعندك سيوله = انت فقري راس مالك لا جنيه ولا ريالي!!
انت مثل اللي غزى لكن اكلها في حثوله= دايم الايام تكشف ماتخبيه اليالي!!

انت بس اتروّج السلعه وتاخذ لك عموله = ماتفكر في الحرام ولاتفكر في الحلالي !!
الثبيتي مع دروب الحق مايشعب ذلوله = لو يذوق المر من كاسه يقول المر حالي !!