ياهل الـدلال الصفـر وش فايدتهـا=لاصار مركونـه بركـن" مـن البيـت
الزمزمـيـه مـاتـجـي منزلـتـهـا=هاذي كبيـره ياهـل العـز والصيـت
تطربنـي الرسـلان مـن ماركتـهـا=أليـا تعاقـب دولهـا ثـم تقهـويـت
دلـة مـكـارم والـقـدوع ثمرتـهـا=ماهـي زمـازم والمقـادع بساكـيـت
إن كـان مـوضـه والأوادم مشتـهـا=ماني علـى العالـم كثيـر التشاميـت
لكـن طبختـهـا وطـعـم مرقتـهـا=سوات من يخلط علـى المـر حلتيـت
أهـل المراجـل ضيـعـت مرجلتـهـا=واسلومهـا وفعولهـا عـودت هـيـت
النـاس فـي تـال الزمـن طينتـهـا=ويـن الرجـال الطيبـيـن النعاتـيـت
اللـي تــروم الطايـلـه واعتلتـهـا=بالفعـل ماهـو قـول يمكـن وياليـت
عزيـت نفسـي والمراجـالل حمتـهـا=واخذت من صلبيـن الأريـا وسميـت
بأسلـوم جدانـي وسمـعـة بختـهـا=ابـذل مواجيـب الـكـرم ماتوانـيـت
ماأشقـى ورى الرديـان ومجاملتـهـا=أليا اتضح لي معـدن الـلاش صديـت
أهل الـردى ماوجهتـي فـي جهتهـا=إن جيت وألا رحت وإن رحت وإن جيت
وختامهـا مـنـي قـبـل خاتمتـهـا=احفظ سلومك كل ما أصبحت وامسيـت