المشاركة الأصلية كتبت بواسطة ناصر الجلاه (المشاركة 884633) .. طيب طيب ياسلطان والمعذره على التأخير :) إستلم : عد ماتصدر هل الدعوى فتاوي=البقا والبيت مزبان المجله !! مكسبي شرواك كب أهل الحكاوي=ماطردنا هرجهم دقه وجله !!

واردين(ن) جمة العد الرهاوي = ومن يضيع يضيع خله لا تدله
عارفين ابو حقب ما هو نداوي = لو زبن ضلعه يبى يهنا بظله

من ينقص قدر غيره رجل غاوي =مير ياسلطان دوك العلم كله !!
جمل الله حال رجالٍ غناوي=وقبح الله وجه ضاريٍ بالمذله !!

ما تسمعنا رواية كل راوي = النجوم البيض فوق ومستقله
زابن(ن) يبغى ذرا البشت الحساوي = والبشوت مكرمه عن هالجبله

صفر زايد صفر قلي كم يساوي=ياسمي الهاجري وأنته حلله !!
مبتلا والله يكافينا البلاوي=لو يصنف قوم تشدي للأهله !!

من جهل وقفة شليويح العطاوي = مثل ما قاله بعد جعله فدله
هامل(ن) يطرد صبح والعصر ضاوي = واجبه بالسلسله يربط جزاً له

المشاركة الأصلية كتبت بواسطة عشقa (المشاركة 884649) بن دحيم & الجلاه صحت الألسن والقلوب يامبدعين وتقبلوا مروري....

صح بدنك

لاهنت