اثرك بين العرب لك قلب ماهو نظيف = السلعه الغاليه لاترخص اسعارها !!
قلي متى يالشمالي شلت خنجر وسيف = وش عندكم للقبايل يلفت انظارها !!

لقيت كل القبايل تتجه في جنيف = بحثت عنكم لقيت اثقيف بديارها !
ياثقل دمك لو ان دمك بعينك خفيف = ياللي عرفت العرب لاتجحد ادوارها

عقاب العنزي

يابو لمار انت شاعر من قبيلة ثقيف = واحد وربعك ماندري وين شعّارها
وانته لو انك تروح لظلم ولا ّ عفيف = تحتار من كثرت اسماهم ومقدارها !

ابو لمار

مادام ماتعرف العرّاف مانته عريف = مير انشد اللي تعرف البدو وديارها !!
وانته شمالي ووضعك في السوالف ضعيف = طرقتك هذي عليك يطول مشوارها !!

عقاب العنزي

تطمح ولكن عجزت تخش قصر الشريف = اثقيف ستين عام ٍ طافيه نارها
جيران لهذيل لكن ماعطوك الرغيف = اطلب من سليم ولا ّ دورو غارها

ابو لمار

اثرك بين العرب لك قلب ماهو نظيف = السلعه الغاليه لاترخص اسعارها !!
قلي متى يالشمالي شلت خنجر وسيف = وش عندكم للقبايل يلفت انظارها !!

عقاب العنزي

لقيت كل القبايل تتجه في جنيف = بحثت عنكم لقيت اثقيف بديارها !
ياثقل دمك لو ان دمك بعينك خفيف = ياللي عرفت العرب لاتجحد ادوارها

آسف ياعقاب على التأخير
والله انه جاني ضيوف شرواك واشغلوني

حصلت وصفي وانا ظلع ٍ عليكم منيف = والقوم نعرف بواشقها من احرارها !
ابسوريا والعراق ونجد ووسط المصيف = يوم العرب هايبه ماتترك اقطارها