انا آشوف العصيمي له سنه يااصحابنا مشحون = ولادري مزعله في شي ّ ولاّ طبع في ذاته
تقوله وانت تحت الشجره اللي بظلها تمشون = وانا ماودي اذكّر سعود بكثر سيّاته !!

انا والحمد لله مالحقني فالزمان غبون = وراع الطيب لو زل بخطأ ماقطع علاقاته.
عسى ربي يشرف شجرة الزيتون بالزيتون = ويقطع شجرة العردق ويكرمني بمرضاته.

سعود العصيمي=

والاياعقاب كان التسمية لعقاب ابن سعدون = ابن سعدون ذكره شاع من فعله بطالاته.
وانا ماقول فيك قصور مار الناس مايدرون = عن الرجال لين يبرهن بفعله بطولاته.

عقااب العنزي=

هذاه اسمي وعلّم لابتك لن كان مايدرون = وبن سعدون جدي والنشاما تعرف وقفاته
ماعاد اليوم به شلفا ولا مطرق ولامحجون = ينام سعود ماحسب حساب الذيب مع شاته

سعود العصيمي=

على شأن ايش اعلمهم عن اسمك والفعل مالون = كثير الناس مانسمع نداه ولا دعاياته.
عسى ربي يعز اللي بعزه يخلص المديون = لالاه الله يعزه مانشوف عقاب بثباته.

عقااب العنزي=

انا آشوف العصيمي له سنه يااصحابنا مشحون = ولادري مزعله في شي ّ ولاّ طبع في ذاته
تقوله وانت تحت الشجره اللي بظلها تمشون = وانا ماودي اذكّر سعود بكثر سيّاته !!

سعود العصيمي=

انا والحمد لله مالحقني فالزمان غبون = وراع الطيب لو زل بخطأ ماقطع علاقاته.
عسى ربي يشرف شجرة الزيتون بالزيتون = ويقطع شجرة العردق ويكرمني بمرضاته.

المشاركة الأصلية كتبت بواسطة مرزوق حمدان العتيبي (المشاركة 880998) .. عسى ربي يشرف شجرة الزيتون بالزيتون ويقطع شجرة الغردق ويكرمني بمرضاتـه. .. الله الله ابو طايل الامبراطور وعقاب المبدع صحت الالسن .. واصلوا ....

عسى الله يكثر امثالك لكن ضيفك سرى محزون = وش اللي يرضي المطران لجل اقول لك هاته
قبل عقد وثلاث سنين في مكه ويش تسوون = اثر من ياكل الزيتون تقلب كل نياته !!