دقت هجوس القصيد ودقت الساعه =وقامت تسابق دقايقها ثوانيها
وجتني نوادر بيوت الشعر منداعه =سوات ذودً جذبها صوت راعيها
وسبحت لي في بحورٍ مالها قاعه =حتى جنيت الثمينه من مجانيها
الشاعر ..الشعر ..مصيافه ..ومرباعه=يستانس مع البيوت اللي يغنيها
على النقا قلتها ماهي على الضاعه =تقطف ثمار الفوايد من معانيها
الكلمه الطيبه نوماس وبضاعه =كسبان فالوقت بايعها وشاريها
نصيحةٍ تردع الغاوي عن اطباعه =عند الله افضل من الدنيا ومافيها
الصدق امانه وعند المسلم اوداعه =والكذب عله دواها مايداويها
للخير والشر حصاده وزراعه =والناس باعمالها ربي يجازيها
العاقل يعرف مدخاله ومطلاعه=والجاهل يخمخم الجره ويخطيها
ماخاب من نفذ كمومه عن ذراعه=في طاعة الله كفيل الخلق واليها
يالله طالبك ثبتني على الطاعه=قدام شيطان نفسي لا يغّويها
ورسولك محمد اجعلنا من اتباعه =عليه منا صلواتٍ نصليها

وسلامتكم