الكرم واجب علينا فاللقا نبدابه=يالسعيدي جاك فالي مقتفيه عقالي !!
مابقالك غير سيفي سلته ونصابه=الولا لله وأنته في زمانك مالي !!

والله انّا مانعذرب في عريب اللّابه = وانت رجّالٍ كريم وتكرم الرّجّالي !!
يالشّجيع اللي تشيل السّيف لاتضرابه = الزّمان اليا نفخ ذربه عطاك الصّالي !!

ماني أكرم منك في علمٍ فتحنا بابه=أنت فالديكور يافواز عال العالي !!
الزمن مايحسب اللي مايحسب حسابه=في زمان الاولين وفالزمان التالي !!

انت من طيبك مليت الطاسه المحلابه = صرت يادرب الوفا لاهل الوفا مدهالي !!
ماعلى بنت الهوى لو كثرو الخطّابه = وانت طلاّتك قليله يا مذنّب هالي !!

انت من عرفك تدس السيف وسط جرابه=والشعيب اللي غشاه السيل عندك "سالي" !!
من يصدق في كلام العالم النصابه=يالسعيدي فك عينك للبعيد الخالي !!

كل سر الملعبة تدريبه اللعّابه = وانت تدري بالمراره والّحيق الحالي !!
يالجلاه الصّبح قرّب " ياحكيم الجابه " = والله ان علومك الزينه تسر البالي !!